तनिष्का सदस्याच्या साखरपुड्यात तनिष्कांतर्फे ग्रंथराज ज्ञानेश्वरीसह अनोखी वृक्ष भेट!

तनिष्का सदस्याच्या साखरपुड्यात तनिष्कांतर्फे ग्रंथराज ज्ञानेश्वरीसह अनोखी वृक्ष भेट!

निजामपूर-जैताणे (धुळे) : माळमाथा परिसरातील जैताणे (ता.साक्री) येथील तनिष्का गटाच्या सदस्या वर्षा प्रकाश वानखेडे व अभियंता विजय देविदास भामरे (धुळे) यांच्या साखरपुड्याच्या कार्यक्रमात सोमवारी (ता.22) तनिष्कांतर्फे ग्रंथराज 'ज्ञानेश्वरी' या अध्यात्मिक ग्रंथाच्या पाच प्रतींसह वृक्षाचे रोपटे भेट देण्यात आले. तनिष्कांच्या या अभिनव उपक्रमाचे उपस्थितांनी विशेष कौतुक केले.

तनिष्का गटाच्या अध्यक्षा मोहिनी गणेश जाधव यांच्यासह अन्य तनिष्का सदस्यांनी हा अनोखा, अभिनव उपक्रम राबविला. तनिष्का गटाच्या सदस्या वर्षा वानखेडेंचे डिप्लोमा (सिव्हिल) पदविकेपर्यंत, तर अभियंता विजय भामरे यांचे एम.टेक (इलेक्ट्रॉनिक्स) पर्यंत पदव्युत्तर पदवीचे उच्चशिक्षण झाले आहे. याप्रसंगी ग्रंथभेट, वृक्षभेटीसह 'झाडे लावा, झाडे जगवा' व 'वाचनसंस्कृती जोपासण्याचा' अनोखा संदेश उपस्थितांना तनिष्कांतर्फे देण्यात आला. 

यावेळी आप्तेष्टांसह सामाजिक कार्यकर्ते देविदास भामरे, मनीषा भामरे, प्रकाश वानखेडे, देवकाबाई वानखेडे, प्रमिलाबाई जाधव, मालती जाधव, गणेश जाधव, तनिष्का गटप्रमुख मोहिनी जाधव, सदस्या नलिनी जाधव, सीमा भदाणे, गौरी ठाकरे, शुभांगी ठाकरे, जयश्री जाधव, रुक्मिणी वानखेडे, अर्चना वानखेडे यांच्यासह सरपंच ईश्वर न्याहळदे, माजी सरपंच संजय खैरनार, सहाय्यक पोलिस निरीक्षक दिलीप खेडकर, रघुवीर खारकर, नंदकुमार विसपुते, भिला ठाकरे, 'अंनिस'चे कार्यकर्ते भगवान जगदाळे आदी उपस्थित होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com