पारोळा नगाव- येथे अंत्यसंस्कारासाठी गेलेल्या ग्रामस्थांवर सोमवारी सकाळी अकराच्या सुमारास मधमाश्यांनी हल्ला केला. या हल्ल्यात चार जण जखमी झाले असून, एकास धुळ्याला हलविल्याची माहिती मिळाली. .नगाव येथील झावरू शिवराम सोनवणे (वय ७०) यांचे वृद्धापकाळाने निधन झाले. अंत्यसंस्कारासाठी नगाव ग्रामस्थांसह बाहेरगावातील नातेवाईक उपस्थित होते. नगाव शिवारात अंत्यसंस्कार होत असताना ग्रामस्थांवर अचानकपणे मधमाश्यांनी हल्ला चढविला. यामुळे ग्रामस्थ सैरावैरा झाले होते. .मधमाश्यांच्या हल्ल्यात चिंधा रामा सरदार (वय ५५), सहादू भगा भिल (७५), मधुकर सजन भिल (५५) व ओंकार शंकर भिल (६५, सर्व रा. नगाव) जखमी झाले आहेत. याबाबत माहिती मिळताच ग्रामस्थांनी धाव घेतली. जखमींना पारोळा कुटीर रुग्णालयात दाखल केले. जखमींवर वैद्यकीय अधिकारी डॉ. जितेंद्र पाटील, परिचारिका निशा वसावे, कर्मचारी भूषण पाटील, बबन महाजन यांनी उपचार केले. चिंधा सरदार यांच्यावर प्राथमिक उपचार करून त्यांना धुळे जिल्हा रुग्णालयात हलविले आहे. .मधमाश्यांनी अनेकांना घेतला चावा अंत्यसंस्कारप्रसंगी अचानक येत मधमाश्यांनी अनेकांवर हल्ला चढविला. नातेवाईक आपापला जीव वाचवीत होते. अनेकांनी आपापल्या गावी खासगी दवाखान्यात उपचार घेतले. तीन जण पारोळा कुटीर रुग्णालयात उपचार घेत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
