मैनपुरीच्या करहल विधानसभा मतदारसंघातून भाजपने (BJP) केंद्रीय मंत्री आणि आग्राचे खासदार एसपी सिंह बघेल (SP Singh Baghel) यांना उमेदवारी दिली आहे. बघेल हे समाजवादी पक्षाचे प्रमुख अखिलेश यादव (Akhilesh Yadav) यांच्या विरोधात निवडणूक लढणार आहे. विशेष म्हणजे, बघेल हे दोन वर्ष मुलायमसिंह (Mulayam singh Yadav) यांचे सुरक्षारक्षक होते. यंदा अखिलेशविरोधात भाजपने त्यांना उभे केले आहे. सोमवारी अखिलेश व बघेल यांनी उमेदवारी दाखल केली.
उत्तर प्रदेश (Uttar Pradesh) विधानसभा निवडणुकीत (assembaly Election) मैनपुरीची करहाल विधानसभा मतदारसंघाची खूप चर्चा सुरू आहे. करहाल मतदारसंघावर तीन दशकांपासून समाजवादी पक्षाचा दबदबा आहे. समाजवादी पक्षाच्या स्थापनेपासून हा त्याचा बालेकिल्ला आहे. करहाल विधानसभा मतदारसंघात यादव मतदारांची संख्या सर्वाधिक आहे. हे मतदार येथे निर्णायक भूमिका बजावतात.
येथील एकूण मतदारांपैकी सुमारे ३८ टक्के मतदार यादव आहेत. मात्र, भाजपच्या (BJP) एसपी सिंह बघेल (SP Singh Baghel) यांच्या आगमनाने ही लढत रंजक झाली आहे. एसपी सिंह बघेल हे समाजवादी पक्षाला चांगलेच ओळखतात आणि त्याचा फायदा त्यांना होईल, असे मानले जात आहे. करहाल विधानसभेतील मतदारांची (assembaly Election) संख्या तीन लाख ७१ हजार आहे. यामध्ये यादव मतदारांची संख्या सुमारे एक लाख ४४ हजार आहे. म्हणजे एकूण मतदारांपैकी ३८ टक्के मतदार यादव आहेत.
फक्त एकदाच पराभव
१९९३ पासून आजपर्यंत म्हणजे २००२ मध्ये फक्त एकदाच सपाला येथे पराभवाला सामोरे जावे लागले. भाजपचे (BJP) सोबरान सिंह यादव सपा उमेदवाराचा पराभव करून विधानसभेत पोहोचले. यावेळी सपा प्रमुख अखिलेश यादव (Akhilesh Yadav) स्वतः या जागेवरून निवडणुकीच्या रिंगणात आहेत. गेल्या निवडणुकीत भाजपची लाट असतानाही सपाच्या खात्यात पाच पैकी चार जागा आल्या होत्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
