भाजप नेते योगी आदित्यनाथ (Yogi Adityanath) यांनी शुक्रवारी (ता. २५) सलग दुसऱ्यांदा उत्तर प्रदेशच्या मुख्यमंत्रिपदाची शपथ घेतली. योगी आदित्यनाथ २.० मंत्रिमंडळातील उपमुख्यमंत्री केशव प्रसाद मौर्य आणि ब्रजेश पाठक यांच्यासह एकूण ५२ मंत्र्यांनी शपथ घेतली. यादरम्यान उत्तर प्रदेशातील भाजप सरकारच्या पहिल्या कार्यकाळात २४ मंत्र्यांना हटवून नवीन चेहऱ्यांना स्थान देण्यात आले. (Yogi Adityanath New Cabinet)
पंतप्रधान नरेंद्र मोदी (Narendra Modi) यांच्या ड्रीम प्रोजेक्ट काशी विश्वनाथ कॉरिडॉरची देखरेख करणारे नीलकंठही निघून गेले. गेल्यावेळी स्वतंत्र प्रभार घेऊन राज्यमंत्री असलेले वाराणसीचे नीलकंठ तिवारी हेही मंत्र्यांच्या यादीतून गायब आहेत. नीलकंठ यांच्याकडे धर्मादाय कार्य आणि पर्यटन यासारखे विभाग होते. मोदींचा ड्रीम प्रोजेक्ट काशी विश्वनाथ कॉरिडॉर त्यांच्या देखरेखीखाली बांधण्यात आला. विश्वनाथ मंदिराचा कॉरिडॉर दक्षिणेकडील वाराणसी शहरात येतो जिथून नीलकंठ तिवारी आमदार आहेत.
ऊर्जामंत्री श्रीकांत शर्मा यांनाही स्थान नाही
यापूर्वी उत्तर प्रदेशचे उपमुख्यमंत्री असलेले दिनेश शर्मा यांनाही योगी मंत्रिमंडळातून वगळण्यात आले आहे. त्यांच्या जागी ब्रजेश पाठक यांनी केशव प्रसाद मौर्य यांच्यासह उपमुख्यमंत्रीपदाची शपथ घेतली. त्याचवेळी मथुरेतील भाजप आमदार आणि ऊर्जामंत्री श्रीकांत शर्मा यांनाही पहिल्या टर्ममध्ये योगी मंत्रिमंडळात स्थान मिळाले नाही. शर्मा यांनी नुकत्याच झालेल्या उत्तर प्रदेश (Uttar Pradesh) विधानसभा निवडणुकीत २०२२ मध्ये काँग्रेसच्या प्रदीप माथूर यांचा पराभव केला होता.
यांनाही मिळाली नाही जागा
उत्तर प्रदेशात भाजप (BJP) सरकारच्या दुसऱ्या टर्ममध्ये स्थान मिळवण्यात अपयशी ठरलेल्या मंत्र्यांमध्ये दिनेश शर्मा, सतीश महाना, आशुतोष टंडन, श्रीकांत शर्मा, सिद्धार्थनाथ सिंह, मोहसीन रझा, जय प्रकाश निषाद, राम नरेश अग्निहोत्री, अशोक कटारिया, जय प्रकाश निषाद, रमापती शास्त्री आणि सतीश महाना यांचा समावेश आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.