राज्य सरकारला संप मिटवण्यात अपयश; एसटी कर्मचाऱ्यांच्या आंदोलनावर अनिल परबांचे मोठे विधान | Sakal
sakal

बोलून बातमी शोधा

anil parab

राज्य सरकारला संप मिटवण्यात अपयश; परबांचे मोठे विधान

मुंबई : एसटी कर्मचाऱ्यांचा संप अद्याप सुरूच आहे. कर्मचाऱ्यांच्या आंदोलनाला तीन महिने उलटले आहे. यामुळे गरीब नागरिकांना अनेक अडचणींचा सामना करावा लागत आहे. मात्र, त्यांच्या प्रश्नावर तोडगा काढण्यात राज्य सरकार अपयशी ठरले आहे. एसटी कर्मचाऱ्यांच्या संपावर तोडगा काढण्यास सरकार अपयशी ठरल्याचे परिवहन मंत्री अनिल परब (Anil Parab) यांनी शुक्रवारी (ता. २५) विधानसभेत मान्य केले आहे.

एसटी महामंडळाचे राज्य सरकारमध्ये विलीनीकरण करावे या प्रमुख मागणीसाठी २६ ऑक्टोबरपासून ऐन दिवाळीच्या तोंडावर एसटी कर्मचाऱ्यांनी आंदोलन सुरू केले आहे. या आंदोलनाला राज्यातील विविध भागातल्या एसटी कर्मचाऱ्यांचा उत्स्फूर्त प्रतिसाद लाभला आणि एसटीचा संप सुरू झाला. त्यांच्या आंदोलनाला तीन महिने होत झाले आहेत. मात्र, संप काही सुटलेला नाही.

हेही वाचा: Swearing In Ceremony : योगी यांच्या नावावर ४ विक्रम; खास रेकॉर्ड

एसटी कर्मचाऱ्यांचा संप मिटावा यासाठी सरकारकडून अनेक प्रयत्न करण्यात आले. कर्मचाऱ्यांना कामावरून निलंबित करण्यापासून अनेक कठोर निर्णय राज्य सरकारने घेतले तरीही संप सुटत नसल्याचे दिसत आहे. कर्मचारी विलीनीकरणाच्या मागणीवर ठाम आहे. सरकारने अनेक प्रयत्न केल्यानंतरही एसटी कर्मचाऱ्यांनी संप सुरूच ठेवला आहे. राज्य सरकारला एसटी कर्मचाऱ्यांचा संप मिटवण्यात अपयश आले आहे, असे परिवहन मंत्री अनिल परब (Anil Parab) यांनी विधानसभेत मान्य केले आहे.

...तरीही संप सुटत नाही आहे

माझ्यासमोरील मागण्या मान्य केल्यानंतरही मला युनियनची दुसरी नोटीस आली आहे. गरीब नागरिकांना त्रास होऊ नये म्हणून मी कोर्टात गेलो होतो. कर्मचाऱ्यांना संपावर न जाण्यास सांगितले. दोन वर्षे कोरोनामुळे बोनस दिला नव्हता. यंदा बोनस देण्याचा निर्णय घेतला. कर्मचाऱ्यांचे निलंबनही मागे घेण्यास तयार झालो. तरीही संप सुटत नाही आहे. तसेच कोर्टाच्या आदेशानंतरही डेपो बंद होत गेले, असे घटनाक्रम सांगताना अनिल परब (Anil Parab) म्हणाले.

Web Title: Anil Parab State Government St Workers Agitation Failed To Cancel Strike

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..