महिला डॉक्‍टरांसह पाच जणांवर माथेफिरूने फेकले ऍसिड

Acid thrown on female doctor by sacio
Acid thrown on female doctor by sacio

नागपूर : महिला डॉक्‍टरासह पाच जणांवर माथेफिरूने ऍसिड फेकल्याची घटना नागपूर जिल्ह्यातील सावनेर तालुक्‍यातील पहलेपार येथे गुरुवारी दुपारी 12 वाजताच्या सुमारास घडली. नीलेश कनेरे (22, रा. बाजारचौक, सवनेर) असे आरोपी माथेफिरूचे नाव आहे. सावनेरातील शासकीय आयटीआय पुढे कडकडी महाराज देवस्थानसमोर ही घटना घडली. 

काही दिवसांपूर्वीच वर्धा जिल्ह्यातील हिंगणघाट तालुक्‍यातील दरोडा गावातील रहिवासी अंकिता पिसुड्डेवर रॉकेल टाकून युवकाने जाळले होते. सोमवारी (ता. दहा) तिचा मृत्यू झाला. यामुळे राज्यात संतापाची लाट उसळली होती. सर्वत्र रोष व्यक्‍त करण्यात येत होता. दरोडा गावातील नागरिकांनी रास्तारोको करून आरोपीला फाशी देण्याची मागणी रेटून धरली होती. 

ही घटना घडून दोन दिवस उलटत नाही तोच महिला डॉक्‍टरांसह पाच जणांवर ऍसिड फेकल्याची घटना उघडकीस आली आहे. मेडिकलतर्फे नॅशनल एड्‌स कंट्रोल ऑर्गनायझेशनसाठी सर्व्हे सुरू होता. यासाठी नागपुरातील तीन डॉक्‍टर सावनेरला गेले होते. त्यांच्यासोबत सावनेरातील दोन कर्मचारी होते. असे पाच जणांचे पथन सर्व्हेसाठी गावात फिरत असताना माथेफिरू युवकाने ऍसिड हल्ला केला. यात डॉ. सोफीया सोमण, सुकन्या कांबळे, शुक्रा जोशी, गवळी सोनेकर व सुरेखा बडे या पाचही जणांवर ऍसिड उडाल्याची माहिती आहे. जखमींना नागपुरातील मेडिकल रुग्णालयात दाखल करण्यात आले आहे. तसेच आरोपी माथेफिरू युवकाला पोलिसांनी ताब्यात घेतले आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com