खळबळजनक! न्यायालयात कागदपत्रांची पडताळणी करण्यात पोलिस होते व्यस्त तेवढ्यात आरोपींनी केलं धक्कादायक कृत्य 

नागपूर :  पोलिसांनी दोन आरोपींना न्यायालयात पेशीसाठी आणले. कागदपत्राची पडताळणी करण्यात पोलिस व्यस्त होते. यादरम्यान दोन्ही आरोपी गायब झाले. पोलिसांच्या ही बाब लक्षात येतात एकच खळबळ उडाली. पोलिसांनी लगेच शोधाशोध केली. मात्र, काही वेळान दोन्ही आरोपींना पोलिसांनी ताब्यात घेतल्याची माहिती सूत्रांनी दिली.

मध्यरात्रीनंतर अचानक गायब झालेली मुलगी सापडली...

प्राप्त माहितीनुसार, एका प्रकरणात दोन आरोपींना पोलिसांनी सोमवारी न्यायालयात हजर केले. न्यायालयात पेशी झाल्यानंतर हवालदाराने त्यांना बाहेर आणले. कार्यालयीन दस्तऐवज घेण्यासाठी हवालदार पुन्हा न्यायालयात गेला. याचदरम्यान न्यायालयापासून काही अंतरावर आरोपींचे नातेवाईक उभे होते. 

आरोपी त्यांच्याशी बोलायला गेले. काही वेळाने हवालदार बाहेर आला. त्याला आरोपी दिसले नाही. त्याला घाम फुटला. त्याने अन्य एका पोलिसाला विचारणा केली. ‘येथे आरोपी उभे होते, ते आता दिसत नाहीत,’ असे हवालदार त्यांना म्हणाला. लगेच आरोपी पळाले, आरोपी पळाल्याचे वृत्त वाऱ्यासारखे न्यायालयात पसरले. 

काँग्रेस प्रदेशाध्यक्ष नाना पटोले यांच्याविरुद्ध आक्षेपार्ह पोस्ट; उपराजधानीत युवकाला अटक

पोलिसांनी आरोपींचा शोध सुरू केला. काही अंतरावरच ते आरोपी नातेवाइकासोबत बोलताना दिसले. त्यांना बघताच पोलिसांनी सुटकेचा निश्वास सोडला. मात्र या घटनेमुळे पोलिसांमध्ये एकच खळबळ उडाली होती. काही पोलिस आरोपींच्या शोधण्यासाठी धावपळ करीत होते. 

संपादन - अथर्व महांकाळ