कुटुंबीयांसोबतचे 'ते' जेवण ठरले अखेरचे, घराच्या दिशेने निघालेल्या 'बरखा'वर काळाचा घाला

girl died in car accident at law college square in nagpur
girl died in car accident at law college square in nagpur

नागपूर : भरधाव कार दुभाजकावर धडकल्याने झालेल्या अपघातात तरुणी ठार झाली तर चालकासह तिघे गंभीर जखमी झाले. तिघांवरही न्यूरॉन रुग्णालयात उपचार सुरू आहेत. हा अपघात शुक्रवारी मध्यरात्री लॉ कॉलेज चौकात झाला. बरखा हरिष खुराणा (२४) असे अपघातात ठार झालेल्या तरुणीचे नाव आहे. 

पोलिसांनी दिलेल्या माहितीनुसार, लक्की हरिष खुराणा (२२) व त्याची बहिण बरखा तसेच नातेवाईक रिया जगन्नाथ खुराणा (२३) व प्रेम अशोक चंदनानी (२०) हे शुक्रवारी सायंकाळी अमरावती रोडवरील एका हॉटेलमध्ये जेवण करायला गेले होते. मध्यरात्री एक वाजताच्या सुमारास ते चौघेही कारने परत येत होते. लॉ कॉलेज चौकातून जात असताना आरोपी कारचालक प्रेम चंदनानी याचे कारवरील नियंत्रण सुटले. भरधाव कार दुभाजकावर आदळली. अपघात झाल्याची माहिती मिळताच पोलिस नियंत्रण कक्षाने अंबाझरी पोलिसांना कळविले. पोलिसांनी जखमींना खासगी रूग्णालयात हलविले. उपचारापूर्वीच बरखाचा मृत्यू झाला, तर अन्य तिघांवरही खासगी रुग्णालयात उपचार सुरू आहेत. याप्रकरणी अंबाझरी पोलिसांनी कारचालक प्रेम चंदनानी याच्याविरुद्ध गुन्हा दाखल केला आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com