मुख्याध्यापक गेले मित्राच्या पार्टीला, अन्‌ घडले हे....

कुही (जि.नागपूर) :  तालुक्‍यातील उमरेड कऱ्यांडला अभयारण्यालगत असलेल्या चिकणा येथील जि.प. शाळेचे मुख्याध्यापक सुनील बबनराव बिसणे (वय50, उमरेड) यांनी विहीरीत उडी घेऊन आत्महत्या केल्याची धक्कादायक बाब मंगळवारी (ता.17) सायंकाळी साडेआठ वाजता उघडकीस आली.

क्‍लिक करा  : कोरोना असूनही टेबलखालचे व्यवहार सुरूच;करनिरीक्षकावर रंगेहात कारवाई

रात्री घरी परतेच नाही
प्राप्त माहितीनुसार सुनिल बिसणे हे सोमवारी रात्री साडेसात आठच्या दरम्यान मित्राकडे पार्टी असल्याचे पत्नी सुहासिनी यांना सांगून घरुन गेले. रात्री ते घरी परत आलेच नाही. त्यामुळे घरच्यांची चिंता वाढली. पत्नी सुहासिनी यांनी सर्व सबंधीत नातेवाईक व मित्रांकडे फोन करुन विचारणा केली. मात्र ते आलेच नसल्याचे उत्तर सर्वांकडून मिळाले. सुहासीनी यांनी चिकणा येथे पोलिस पाटील सुर्यकांता निकोसे यांच्याकडे ही माहिती दिली. निकोसे यांनी शोधाशोध केली. मात्र ते कुठेच आढळले नाही. उमरेड ते सेव मार्गावर असलेल्या विहिरीजवळ बिसणे यांची चप्पल व चष्मा पडलेला दिसला.

क्‍लिक करा  : बापरे ! पंधरवडयात 9 हजार फुकटयांनी केला प्रवास

कर्जबाजारीपणामुळे होते त्रस्त
उमरेड पोलिस ठाण्यात माहिती देण्यात आली. पोलिसांनी क्षणाचाही विलंब न लावता घटनास्थळ गाठले. गळ टाकून शोध घेतला असता मृतदेहच गळाला लागला. मुख्याध्यापक बिसणे हे कर्जबाजारीपणामुळे काही दिवसांपासून तनावात दिसत होते. त्यामुळेच त्यांनी हा निर्णय घेतला असावा, अशी चर्चा परिसरात आहे. बिसणे यांच्या पश्‍चात पत्नी सुहासीनी, मुलगा हर्षल, मुलगी गुंजन असा मोठा आप्तपरिवार आहे. मुलाने आताच दहावीची परीक्षा दिली