कोरोना असूनही टेबलाखालचे व्यवहार सुरूच, कर निरीक्षकावर रंगेहात कारवाई

राजुरा : कोरोनामुळे इतर सर्व व्यवहार ठप झाले असले तरी लाच घेणे मात्र सुरूच आहे. जीवापेक्षाही काहींना पैस महत्त्वाचा वाटतो, हे यावरून लक्षात येते. राजुरा नगर परिषदेतील कर निरीक्षक नंदकिशोर शंकर सातपुते यांना पाच हजाराची लाच घेताना आज दिनांक 17 मार्चला लाचलुचपत प्रतिबंधक अधिकाऱ्याच्या कारवाईत रंगेहात पकडले. ही कारवाई आज सायंकाळी 5 च्या सुमारास नगरपरिषद कार्यालयात घडली.

तक्रारदार हे राजुरा येशील रहीवासी आहेत. तक्रारदारच्या आजोबांच्या व वडीलांच्या मालमत्तेचा क्रमांक दुरुस्ती करण्याच्या कामाकरीता कर निरीक्षक नंदकिशोर सातपुते यांनी पाच हजाराची मागणी केली होती. तक्रारकर्त्यानी लाच देण्याची इच्छा नसल्यामुळे लाचलुचपत प्रतिबंधक विभागात तक्रार केली.
त्यांच्या तक्रारीवरून दिनांक 17 मार्च रोजी पाच हजार रुपये लाच घेताना रंगेहात नंदकिशोर सातपुते यांना पकडले.

सविस्तर वाचा - नागपुरात सामाजिक, राजकीय, धार्मिक सभांना बंदी...प्रशासनाने दिले हे आदेश
सदर कारवाई पोलीस अधिक्षक लाच लुचपत प्रतिबंधक विभाग रश्‍मी नांदेडकर, अप्पर पोलिस अधीक्षक राजेश दुदलवार, पोलिस उपअधीक्षक अविनाश भामरे यांच्या मार्गदर्शनात पोलीस निरीक्षक नीलेश सुरडकर ,संतोष
येलपुलवार, संदेश वाघमारे, नरेश ननावरे, चालक राहुल ठाकरे यांनी पार पाडली.