तिनस्तरीय मास्कची निर्मिती करीत ही संस्था देतेय कोरोनाशी लढा

 नागपूर : कोरोनावरचे औषध जगात अजून उपलब्ध झाले नसल्यामुळे खबरदारी हा बचावाचा एकमेव उपाय आहे. त्यातील महत्त्वाचा एक उपाय म्हणजे मास्कचा वापर. परिणामी मास्कची टंचाई निर्माण झाली. कोरोनासाठी विशेष उपयुक्त मास्क तयार करण्यासाठी संशोधन सुरू झाले. 

शासकीय न्यायसहायक विज्ञान संस्था नागपूरच्या रासेयो विभागाच्या वतीने कोरोनाच्या प्रतिबंधासाठी तीनस्तरीय मास्कची निर्मिती करण्यात आली आहे . कोरोनाचा विषाणू ६० - १४० नॅनोमीटर एवढा असल्यामुळे कपड्यामधून तसेच सर्जीकल मास्कमधून तो सहज श्वसननलिकेत जाऊ शकतो म्हणून रासेयो विभागाने त्रिस्तरीय मास्क बनवला आहे.

सविस्तर वाचा - माहिती लपवून समाजाचे शत्रू बनू नका : तुकाराम मुंढे

या मास्कमध्ये बाहेरील आणि आतील बाजूला उच्च प्रतीचे कापड वापरण्यात आले आहे . तर मधला स्तर हा चांगल्या प्रतीचे पुनर्वापरास योग्य अश्या पॉलिथीन ( प्लास्टिक ) शीट पासून बनवला आहे . प्लॅस्टिकमध्ये छिद्र नसल्यामुळे त्यातून कोणताही विषाणू जाऊ शकणार नाही . बऱ्याच ठिकाणी हा मास्क वितरित केला असून वापरणाऱ्यांनी या उपक्रमाची स्तुति केली आहे .