जलालखेडा (जि.नागपूर) : देशात कोरोनाचे संकट चालू असतानाच टोळधाडी कीटकांच्या झुंडीच्या झुंडी शेतावर आक्रमण करीत आहेत. नरखेड तालुक्‍यातील शेतकऱ्यांच्या मालावर टोळधाडी (नाकतोड्यांनी, ग्रास हॉपर) टोळांनी हल्ला चढवला असून दुहेरी अस्मानी संकटात नरखेड तालुक्‍यातील शेतकरी सापडले आहेत.
शेतकऱ्यांमध्ये कमालीची दहशत
टोळधाड ( Locust ) नावाची कीड नरखेड तालुक्‍यामध्ये आल्यामुळे संत्रा उत्पादक शेतकरी हवालदिल झाला आहे. मध्य प्रदेशातून टोळधाड कीड सातपुडा पर्वतरांगाच्या मार्गाने अमरावती व वर्धा जिल्ह्याच्या अनुक्रमे मोर्शी, वरुड व आष्टी तालुक्‍यातून आज (ता.25) दुपारी चार वाजेदरम्यान नरखेड तालुक्‍यातील खलानगोंदी शिवारात प्रथम देवीदास चोरे यांच्या शेतात दाखल झाल्यामुळे शेतकऱ्यांमध्ये दहशत पसरली आहे. या नवीन संकटापासून शेतकऱ्यांच्या पिकांचे संरक्षण कसे करावे, या प्रश्नाच्या शोधात नरखेडचा कृषी
हेही वाचाः परवा प्रीतेश गेला, काल दत्तू...दोन्ही कामगारांच्या मृत्यूने कुटुंबीयांचे दुःख अनावर , मृत्यूचे कारण...
या पिकांचे करतात नुकसान...
टोळधाड किडीच्या (नाकतोडे) मोठ्या टोळक्‍यांनी शेतातील संत्रा, मका, मोसंबी, लिंबू, भाजीपाला यासह आदीच्या पिकांचे मोठे नुकसान होण्याची शक्‍यता निर्माण झाली आहे. टोळधाडीमध्ये कोट्यवधी संख्येने नाकतोडे असून ते एकाचवेळी पाच ते दहा किलोमीटर परिघातील शेकडो एकर शेतीतील रात्रीच्या वेळी टोळ सर्व प्रकारच्या झाडांची पाने कातरतात. यामुळे झाडाला फक्त खोड व काड्याच शिल्लक राहतात. कालांतराने ही झाडे वळतात. सध्या किती पिकांचे नुकसान या टोळ्यांनी केले, याचा आकडा मिळू शकला नाही.
पॉवरस्प्रे मशीनने फवारणी केल्यास 55 टक्के नियंत्रण
टोळधाड पिकावर समूहाने आक्रमण करीत असते. एका समूहामध्ये टोळ्यांची संख्या करोडो, अरबो असते. ती पाच ते दहा किलोमीटर पसरते. या पूर्ण क्षेत्रावर नियंत्रण करण्यासाठी ड्रोनद्वारे क्‍लोरोपायरीफॉस तक्के व साईपरमेथ्रीन ही रासायनिक औषधी एका लिटर पाण्यामध्ये चार मिलीचे मिश्रण बनवून फवारणी केल्यास उपयोगी ठरू शकते. ट्रॅक्‍टरला पॉवरस्प्रे मशीन लावून फवारणी केल्यास 55 टक्के नियंत्रण केले जाऊ शकते.
-डॉ.योगीराज जुमडे, कृषी अधिकारी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.