बायकोला रंग लावला म्हणून युवकावर केले चाकूनं वार; होळीच्या दिवशीचा थरार 

कोदामेंढी ( जि. नागपूर) :  रंगपंचमी मित्र मैत्रिणींना, नातेवाईकांना रंग लावून आनंदोत्सव साजरा करण्याचा हा उत्सव. मात्र याच धुलीवंदनाच्या दिवशी बायकोला रंग लावल्याच्या रागातून एकाने चक्क चाकूने भोसकले. ही घटना मौदा तालुक्यातील अरोली पोलिस ठाण्याच्या हद्दीत येणाऱ्या तुमान येथील आहे.

रणजित सफेलकरची पोलिसांनी काढली धिंड; अनवाणी पायाने, बरमुड्यावरच नेले न्यायालयात

सरताज ताराचंद रंधई (वय २४, तुमान) असे जखमी झालेल्या युवकाचे नाव आहे. रंगपंचमीच्या दिवशी रंगात रंगून सरताज याने आकाश जयदेव झोडावणे याच्या पत्नीच्या अंगावर रंग टाकले. पत्नीच्या अंगावर रंग का टाकले, याचा राग आकाश याने मनात धरला. बायकोला रंग का लावले, म्हणून दुसऱ्या दिवशी त्यांच्यात वादावाद झाले. 

यावरून आकाश झोडावाने याने मित्र मिथुन राजकुमार चवरे याच्याशी संगनमत करून सरताज याला चाकूने भोसकले. घटनेची माहिती अरोली ठाण्याचे ठाणेदार अशोक कोळी यांना माहिती होताच त्यांनी घटनास्थळ गाठले. जखमी अवस्थेत रक्तबंबाळ असलेला सरताज याला प्रथम कोदामेंढी येथील प्रार्थमिक आरोग्य केंद्रात उपचाराकरिता दाखल करण्यात आले. 

संशोधनाचा निष्कर्ष! बंधनांमुळे मुलींमध्ये भावनिक...

त्यानंतर पुढील उपचाराकरिता भंडारा येथे हलविण्यात आले. तिथे त्याच्यावर उपचार सुरु आहेत. पोलिसांनी आरोपी आकाश झोडवणे याच्यावर गुन्हा दाखल करून अटक केली. आरोपीस न्यायालयात हजर केले असता न्यायलयाने तीन दिवसाची पोलिस कोठडी सुनावली. झटापटीत मिथुन चवरे डोक्याच्या भारावर पडल्याने त्याच्या डोक्याला जखम झाल्याने तो देखील भंडारा येथील रुग्णालयात उपचार घेत आहे. पुढील तपास ठाणेदार अशोक कोळी, पोलीस उपनिरीक्षक ऋषिकेश चाबुकस्वार करीत आहेत.

संपादन - अथर्व महांकाळ