नागपूर ः एका ऑटोचालकाची प्रवासाचे भाडे देण्याच्या कारणावरून दोघांनी दगडाने ठेचून हत्या केल्याची घटना आज गुरूवारी सकाळी हुडकेश्‍वरमध्ये उघडकीस आली. अनिल हंसराज बर्वे (३२, नवनाथनगर, खरबी) असे खून झालेल्या ऑटोचालकाचे नाव आहे. शहरात गेल्या चार दिवसांतील तिसरे हत्याकांड आहे.
पोलिसांनी दिलेल्या माहितीनुसार, नागपूर-जबलपूर राष्ट्रीय महामार्ग, आऊटर रिंग रोडवर एका तरुणाचा मृतदेह रक्ताच्या थारोळ्यात पडून असल्याची माहिती हुडकेश्वर पोलिसांना मिळाली. सूचना मिळताच पोलिसांनी घटनास्थळ गाठले. तरुणाचे डोके अत्यंत निर्दयीपणे दगडाने ठेचण्यात आले होते. जवळच एक मोठा दगड पडलेला होता.
जवळील कागदपत्रावरून पोलिसांनी मृतदेहाची ओळख पटविली. अनिल बर्वे अशी ओळख पटली. मात्र अनिलचा खून कोणी केला आणि कशासाठी केला त्याचा सुगावा अद्याप लागलेला नाही. अनिल यांनी ऑटो स्टॅंडवरून प्रवाशी महिला आणि युवकाला ऑटोत बसवले होते. त्यांना घेऊन तो आऊटर रिंग रोडने जात होता.
भाडे देण्यावरून त्यांच्यात आणि प्रवाशांमध्ये वाद झाला असावा, त्यातूनच अनिलचा खून झाल्याची शक्यता पोलिसांनी वर्तविली. पोलिसांनी हत्याकांडाचा गुन्हा दाखल केला असून आरोपींचा शोध सुरू आहे. घटनास्थळाकडे जाणाऱ्या रस्त्यावरील सीसीटीव्ही फुटेज पोलिसांनी ताब्यात घेतले असून तपास सुरू आहे.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.