हायजॅक विमानातून प्रवाशांची सुटका; पाच दहशतवाद्यांचा खात्मा!

नागपूर : दहशतवाद्यांनी हायजॅक केलेले विमान डॉ. बाबासाहेब आंबेडकर आंतरराष्ट्रीय नागपूर विमानतळावर उतरवून घेतले. सुरक्षा यंत्रणांनी विमानातील पाचही दहशतवाद्यांना कंठस्नान घालत सर्व 119 प्रवासी व क्रुमेंबर्सची सुखरूप सुटका केली. हा थरारक घटनाक्रम मंगळवारी नागपूर विमानतळावर घडला. 

पाच दहशतवाद्यातील जयपूर येन जयपूर-चेन्नई विमान हायजॅक केले. त्यात तीन लहान मुलांसह 112 प्रवाशी आणि सात विमानातील कर्मचाऱ्यांचा समावेश होता. दुपारी 11.30 वाजता हे विमान नागपूर विमानतळावर उतरवून घेण्यात आले. परिस्थितीवर नियंत्रणासाठी पोलिस आयुक्त डॉ. उपाध्याय यांच्या अध्यक्षतेखाली एरोम समिती स्थापन करण्यात आली. यात संबंधित विभागांच्या अधिकाऱ्यांचा समावेश करण्यात आला. 

समिती सदस्यांनी दहशतवाद्यांशी वाटाघाटी सुरू केल्या. 250 मिलियन डॉलर, तिहार जेलमध्ये बंधिस्त असणाऱ्या चार जहाल दहशतवाद्यांची मुक्तता, त्याना सुखरूप सोडण्याची व्यवस्था, पंतप्रधान व केंद्रीय गृहमंत्र्यांसोबत चर्चा करू द्यावी आदी त्यांच्या मागण्या होत्या. दहशतवाद्यांसोबत चर्चा सुरू असतानाच सीआयएसएफ व पोलिसांच्या शिघ्र कृती दलाला पाचारण करण्यात आले. दोन्ही पथकांनी आपसात समन्वय करीत पाचही दहशतवाद्यांचा खात्मा केला.

काय आहे या लिंकमध्ये? - (Video) मित्र भेटायला आला, दोघेही निवांत जागेत चर्चा करीत असता अंकिता धावत...

बॉम्व शोधक व नाशक पथकाकडून विमानाची तपासणी करण्यात आली. सरतेशेवटी सर्व प्रवाशांची सुखरूप सुटका करण्यात आली. अवघ्या एक तास 20 मिनिटांमध्ये हे ऑपरेशन फत्ते करण्यात आले. यामुळे विमानातील सर्व प्रवाशांनी निश्‍वास सोडला. 

मॉकड्रीलमुळे पसरली भीती

दहशतवाद्यांनी विमान हायजॅक केल्यास काय करावे आणि काय करू नये याची माहिती होण्यासाठी नागपूर विमानतळावर मॉकड्रील करण्यात आले. पोलिस आयुक्त डॉ. भूषणकुमार उपाध्याय, मिहान इंडियाचे वरिष्ठ विमानतळ संचालक आबीद रुही यांच्या मार्गदर्शनात हे मॉकड्रील झाले. यातून सहकाऱ्यांना प्रशिक्षण देण्यात आले. मात्र, यामुळे विमानतळावर काय सुरू आहे, असा प्रश्‍न नागरिकांच्या मनात उपस्थित होत होता.