Nagpur Lockdown: टाळेबंदीच्या पूर्वसंध्येला बाजारपेठांमध्ये तुफान गर्दी; फिजिकल डिस्टन्सिंगचा फज्जा

नागपूर ः कोरोना संक्रमित रुग्णांची संख्या झपाट्याने वाढत असल्याने आजपासून (ता.५) ते ३० एप्रिलपर्यंत पुन्हा एकदा टाळेबंदी लावण्याचा निर्णय घेतला . जीवनावश्यक वस्तूंची दुकाने व अत्यावश्यक सेवांना यातून सूट देण्यात आली आहे. टाळेबंदीच्या पूर्वसंध्येला ग्राहकांनी कपड्यासह इतर वस्तू खरेदीसाठी ग्राहकांनी तुफान गर्दी मुख्य बाजारात केली. त्यामुळे शहरातील इतवारी, महाग, सक्करदरा, धरमपेठ, सदर, गांधी बाग, सीताबर्डीत वाहनांची कोंडी झाल्याचे चित्र होते.

टाळेबंदीच्या २५ दिवसांच्या काळात जीवनावश्यक वस्तूंची दुकाने व सेवांना सूट दिली आहे. दारू ऑनलाइन मिळणार असली तरी काळजीत पडलेले मद्यप्रेमींनी आपला कोटा पूर्ण करण्यासाठी नागरिकांनी दारूच्या दुकानांसमोर गर्दी केली होती. सर्वत्र लांबच लांब रांगा बघायला मिळाल्या होत्या. 

Weekend Lockdown : राज्य सरकारने महाराष्ट्रात राबवला नागपूरचा पॅटर्न

दरम्यान, कोरोनासंदर्भातील नियमांचे पालन होत नसल्याचे दिसत होते. गेल्या काही दिवसांपासून कोरोनाच्या दैनंदिन रुग्णवाढीचा वेग वाढतो आहे. सप्टेंबरच्या मध्यातील उच्चांकानंतर गेल्या आठ दिवसापासून कोरोना बाधितांच्या संख्येचा आलेख चढा असताना मृत्यूची आकडेवारीही वाढते आहे. त्यामुळेच प्रशासनाने त्यावर निर्बंध आणण्यासाठी पुन्हा एकदा टाळेबंदीची घोषणा केली. त्यामुळे सायंकाळी शासकीय आणि खासगी कार्यालये सुटल्यानंतर ग्राहकांनी बाजार फुलला होता.

सामाजिक अंतराचा पूर्णपणे फज्जा उडाला होता. काही दुकानांमध्ये आवश्यक तेवढे सामाजिक अंतर पाळण्यात येत होते. मात्र, अनेक ठिकाणी मोठ्या प्रमाणात गर्दी होताना दिसत होती. आवश्यक वस्तू खरेदी करण्याबरोबरच अनावश्यक वस्तू खरेदीसाठी सूद्धा मोठ्या प्रमाणात गर्दी दिसत होती.

आंबा बाजारात, पण महाग; शंभर ते सव्वाशे रुपये किलो!

व्यापार संपण्याची भीती

गेल्यावर्षी मार्च महिन्यापासून सलग सहा महिने टाळेबंदी लावण्यात आल्याने व्यापाऱ्यांची आर्थिक परिस्थिती विस्कळीत झालेली आहे. लहान, मोठे उद्योजक व व्यावसायिक नियमित खर्चही भागणे कठीण झालेले असताना आता पुन्हा टाळेबंदी लागू केलेली आहे. यामुळे शहरातील व्यापार संपण्याची भीती आहे, अशी प्रतिक्रिया एनव्हीसीसीचे उपाध्यक्ष फारुक अकबानी यांनी व्यक्त केली. 

संपादन - अथर्व महांकाळ