आंबा बाजारात, पण महाग; शंभर ते सव्वाशे रुपये किलो!

नागपूर : उन्हाळा आणि आंब्याचा रस हे समीकरण आहे. पिकलेले आंबे बाजारात येताच त्याच्या घमघमाटाने जिभेला पाणी सुटले नाही तर नवलच. मात्र, सध्या आंब्याच्या रसावर ताव मारणाऱ्यांना यासाठी अधिक पैसे मोजावे लागणार आहेत. विदर्भात झालेला अवकाळी पाऊस आणि गारपिटीमुळे मोठ्या प्रमाणात आंब्याचे नुकसान झाले आहे. शेजारच्या राज्यातून येणाऱ्या आंब्यांची आवकही कमी असून आंब्याची सुरूवातच असल्याने भाव वाढलेले आहेत. कोरोनाच्या वाढत्या प्रादुर्भावामुळेही आवकही काही प्रमाणात कमी झाल्याने भाव चढेच आहेत.

वाढते शहरीकरण, तर खेडी ओस पडत चालली आहेत. त्यामुळे खेडय़ात आजोळी जाण्यापूर्वी असणारी मजा आता कालबाह्या झालेली आहे. मागील वर्षी कोरोनाच्या प्रादुर्भावामुळे अनेकांना घरातच बसण्याची पाळी आली होती. यंदाही कोरोनाचा प्रादुर्भाव वाढू लागल्याने सरकार टाळेबंदी लावणार का याबद्दल चर्चा सुरू असताना आंब्याची आवकही कमी झालेली आहे. त्यामुळे भाव वाढलेले आहेत.

जाणून घ्या - अत्याचारानंतर विद्यार्थिनी चार महिन्यांची गर्भवती; ‘हेल्थ चेकअप’मध्ये आले सत्य पुढे

विदर्भात अकोला, वाशीम, अमरावती, यवतमाळ बुलढाणा, भंडारा, गोंदिया आणि नागपूर या भागात झालेल्या अवकाळी पाऊस आणि गारपीटीमुळे मोठ्या प्रमाणात आंब्याचा मोहर गळला, काही ठिकाणी तर झाडाला लागलेल्या कैऱ्याही पडल्यामुळे मोठ्या प्रमाणात नुकसान झाले. त्यामुळे आंब्याचे उत्पादन मोठ्या प्रमाणात घटले आहे.

ज्या भागात तो शिल्लक आहे त्याची प्रत खराब झाली आहे. त्यामुळे यावेळी बाजारात कच्च्या आंब्याची आवक कमी होण्याची शक्यता आहे. आंध्रप्रदेशातून येणाऱ्या बैगनफल्ली आब्यांची आवक सुरू झालेली आहे. आवक आणि मागणी यात तफावत असल्याने भाव वाढलेले आहेत. घाऊक बाजारात बैगनफल्ली आंबा ६० ते ७० रुपये किलो आहे. किरकोळ बाजारात १०० ते १२० रुपये प्रति किलो प्रमाणे विकल्या जात आहे.

अधिक वाचा - कुख्यात गुंड रणजित सफेलकरवर माजी मंत्र्यांचा वरदहस्त, पाच-पन्नास रुपायांची सवारी मारणारा ऑटोचालक झाला कोट्यधीश

नैसर्गिक संकटांचा आंब्याला फटका

सध्या द्राक्षाचा हंगाम जोरात आहे. हा ओसरायला लागल्यावर एप्रिल महिन्याच्या शेवटच्या आठवड्यापासून आंबे बाजारात यायला सुरुवात होते. सरासरी प्रति किलो ४० रुपये प्रमाणे कच्च्या आंब्यांचे सध्या दर आहेत. आंध्रप्रदेशातूनत येणारे बैगनफल्ली, तोताफल्ली आणि निलम आंब्यांची आवकही गेल्या काही वर्षांपासून कमी होत आहे. नैसर्गिक संकटांचा आंब्याला फटका बसला आहे. रसाचे आंबेही महागणार आहेत.