सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
नागपूर : मोठा गाजावाजा करीत दोन महिने राबविण्यात आलेल्या अभय योजनेकडे थकबाकीदारांनी पाठ फिरवल्याचे दिसून येत आहे. ३ लाख ७३ हजार थकबाकीदारांपैकी केवळ ५० हजार ५४८ थकबाकीदारांनी थकीत रक्कम जमा केली. यातून एकूण थकबाकीच्या केवळ दहा टक्के रक्कमच महापालिकेच्या तिजोरीत आली.
मालमत्ता कराची अनेक वर्षांपासूनच थकबाकी चारशे कोटी रुपये आहे. ही थकीत रक्कम वसूल करण्यासाठी महापालिकेने १५ डिसेंबर ते १४ फेब्रुवारीपर्यंत अभय योजना राबविली. परंतु, थकबाकीदारांनी त्यालाही प्रतिसाद दिला नाही. दोन महिन्यात चारशे कोटी थकीत रकमेपैकी केवळ ४३.८८ कोटी रुपये मनपाला मिळाले. त्यामुळे आता महापालिकेने थकबाकीदारांची मालमत्ता जप्त करण्याचे तसेच त्या लिलावात काढण्यासंदर्भात नोटीस बजावण्याचे काम सुरू केल्याचे एका अधिकाऱ्याने नमुद केले. १५ डिसेंबर २०२० ते २० जानेवारी २०२१ पर्यंत थकीत मालमत्ता कर एकमुस्त भरल्यास दंडाच्या रकमेत ८० टक्के तर २१ जानेवारी ते १४ फेब्रुवारीपर्यंत भरल्यास दंडाच्या रकमेत ५० टक्के सवलत जाहीर करण्यात आली होती. परंतु, नागरिकांनी त्याकडेही पाठ फिरवली. मात्र, या अभय योजनेमुळे मागील वर्षीच्या तुलनेत यंदा १७ कोटींनी अधिक वसुली झाली. १५ फेब्रुवारीपर्यंत मालमत्ता करातून महापालिकेला २१४ कोटी ५४ लाख रुपये मिळाले. मागील वर्षी १५ फेब्रुवारीपर्यंत १९७ कोटी ५१ लाख रुपये वसूल करण्यात आले होते. पाणी करातून मागील वर्षी १५ फेब्रुवारीपर्यंत १२१ कोटी रुपये वसूल करण्यात आले होते. यात यंदा वाढ झाली आहे. यावर्षी १५ फेब्रुवारीपर्यंत १३५ कोटी रुपयांचा पाणी कर वसुल करण्यात आला. पाणी कर अभय योजना संपण्यास अद्याप सहा दिवसांचा कालावधी शिल्लक आहे. या योजनेचा लाभ घेण्याचे आणि थकीत मालमत्ता कर तातडीने भरण्याचे आवाहन मनपातर्फे करण्यात आले आहे.
झोननिहाय थकबाकीदार व रक्कम -
झोन थकबाकीदारांची संख्या वसुली (रुपये कोटींमध्ये)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.