ब्रेकिंग : नागपूरचे पोलिस आयुक्त अमितेश कुमार यांना कोरोनाची लागण

अनिल कांबळे
Thursday, 19 November 2020

चाचणीत पॉझिटिव्ह आल्यानंतर त्यांनी स्वतःला नियमानुसार गृहवीलगीकरणात ठेवले आहे. अमितेश कुमार यांनी नागपूर आयुक्तपदाची सूत्रे हाती घेतल्यानंतर ‘फील्ड’वर काम करण्याचा धडाका सुरू केला होता. तसेच पोलिस अधिकारी आणि नागरिकांच्या बैठका घेतल्या होत्या.

नागपूर : शहर पोलिस दलाचे प्रमुख पोलिस आयुक्त अमितेश कुमार यांना कोरोनाची लागन झाली आहे. त्यांनी स्वतःला गृहवीलगीकरणात ठेवले आहे. तसेच कळत-नकळत संपर्कात आलेल्या पोलिस अधिकारी आणि नागरिकांना स्वतःची कोरोना चाचणी करून आरोग्य सुरक्षेचा सल्ला दिला आहे.

सूत्रांच्या माहितीनुसार, पोलिस आयुक्त अमितेश कुमार यांना गेल्या तीन दिवसांपूर्वी कोरोनाचे सौम्य लक्षण आढळून आले. त्यामुळे त्यांनी खबरदारीचा उपाय म्हणून कोरोना चाचणी करून घेतली. चाचणीत पॉझिटिव्ह आल्यानंतर त्यांनी स्वतःला नियमानुसार गृहवीलगीकरणात ठेवले आहे.

अमितेश कुमार यांनी नागपूर आयुक्तपदाची सूत्रे हाती घेतल्यानंतर ‘फील्ड’वर काम करण्याचा धडाका सुरू केला होता. तसेच पोलिस अधिकारी आणि नागरिकांच्या बैठका घेतल्या होत्या.

हेही वाचा - जेवण बेतले जीवावर; शहराबाहेर जेवण करण्यास गेलेल्या युवकांचा जागीच मृत्यू

सध्या त्यांची प्रकृती चांगली असून डॉक्टरांच्या सल्ल्यानुसार ते उपचार घेत आहेत. यापूर्वी पोलिस दलातील पोलिस सहआयुक्त डॉ. नीलेश भरणे तसेच माजी मनपा आयुक्त तुकाराम मुंढे यांना कोरोनाची लागण झाली होती. त्यातून ते लवकर बरेसुद्धा झाले होते. सध्या पोलिस आयुक्त घरी राहून कायदा व सुव्यवस्थेवर लक्ष ठेवून आहेत.

संपादन - नीलेश डाखोरे


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Nagpur Police Commissioner Amitesh Kumar infected with corona