विद्यार्थ्यांनो, अफवांवर विश्वास ठेवू नका, परीक्षांच्या तारखांमध्ये बदल नाहीच

नागपूर : लॉकडाउनची घोषणा करण्यात आली तरी परीक्षा व प्रात्यक्षिक परीक्षा ठरलेल्या तारखांनाच होणार आहेत. राष्‍ट्रसंत तुकडोजी महाराज नागपूर विद्यापीठाच्या राष्‍ट्रसंत तुकडोजी महाराज नागपूर विद्यापीठाच्या परीक्षा व मूल्यमापन मंडळाचे संचालक डॉ. प्रफुल्ल साबळे यांनी परीक्षांचा मुद्दा स्पष्ट केला आहे. 

हेही वाचा - VIDEO : मराठी माणूस आहे देशातील सर्वात सुशिक्षित व्यक्ती, २० पदव्या मिळविणारं हे व्यक्तीमत्व आहे...

हिवाळी परीक्षा २० मार्च ते ३० एप्रिलदरम्यान घेण्यात येणार आहे. मात्र, १५ ते २१ मार्चदरम्यान शहरात टाळेबंदीची घोषणा करण्यात आल्याने परीक्षा व प्रात्यक्षिक परीक्षा होणार की नाही, याबाबत विद्यार्थ्यांना शंका होती. मात्र, सर्व परीक्षा ऑनलाइन घेण्यात येणार असल्याने परीक्षांच्या तारखांमध्ये कुठलाही बदल होणार नसल्याचे साबळे यांनी सांगितले. विद्यार्थ्यांनी ऑनलाइन परीक्षा घेण्याची मागणी केली होती. २० मार्चपासून विद्यार्थ्यांची ऑनलाइन हिवाळी परीक्षा होणार आहे. मात्र, शहरात कोरोनाचे रुग्ण वाढत असल्याने १५ ते २१ मार्चदरम्यान टाळेबंदीची घोषणा करण्यात आली. या घोषणेमुळे पालक व विद्यार्थ्यांमध्ये संभ्रम निर्माण झाला होता. त्यामुळे प्रात्यक्षिक परीक्षांमधील व्हायवा ऑनलाइन, असाईनमेंट व सेमिनारच्या माध्यमातून घेण्याचे निर्देश महाविद्यालयांना देण्यात आले आहे. याशिवाय परीक्षा नियोजित वेळेत होणार आहे. पहिल्या टप्प्यात बीए एलएलबी (९ वे सत्र), बीएस.स्सी.(५ वे सत्र), बीसीएस, बीबीए (५ वे), बीई, बीटेक, बी.फार्म (७ वे सत्र), बीए (७ वे सत्र), बीएफए (१ ले सत्र) घेण्यात येणार आहे. त्याचे वेळापत्रक दोन दिवसात जाहीर करण्यात येणार आहे. परीक्षा लवकरात लवकर घेण्यासाठी विद्यापीठाद्वारे प्रत्येक आठवड्यातील शनिवार-रविवारी पेपर ठेवण्याचा मानस आहे. 

हेही वाचा - VIDEO : भाजपचे माजी मंत्री पोलिसांना म्हणाले 'तुम्ही सरकारचे कुत्रे'; पाहा, पोलिसांनी...

विद्यार्थ्यांनी कोणत्याही अफवांवर विश्वास न ठेवता अभ्यास करावा. परीक्षा नियमित ठरलेल्या तारखांवर घेण्यात येईल. त्याचे वेळापत्रकही दोन दिवसात जाहीर करण्यात येईल. 
- डॉ. प्रफुल्ल साबळे, संचालक , परीक्षा व मूल्यमापन मंडळ, नागपूर विद्यापीठ