लोकल बॉयने तयार केले 'रोस्टेल' ॲप, ग्राहकांना घरपोच साहित्य

मंगेश गोमासे 
Friday, 2 October 2020

धावपळीच्या जीवनात प्रत्येक काम झटपट व्हावे अशी अपेक्षा असते. त्यामुळेच मोबाईल उचलून ऑनलाइन शॉपिंग करण्याचा ट्रेंड गेल्या काही वर्षापासून सुरू झाला आहे. आवडीच्या वस्तू घेण्यासोबतच आता ग्राहक किरकोळ सामान आणि किराणा खरेदीही ऑनलाइन करू लागले आहे.

नागपूर  : ग्राहकांना जलद, दर्जेदार, सुरक्षित, कमी वेळेत आणि परवडेल त्या भावात वस्तू मिळाल्या पाहिजेत म्हणूनच ग्राहकांच्या आवडी-निवडी जपून त्यांच्या मनातील वस्तू त्यांच्यापर्यंत लवकरात लवकर कशाप्रकारे पोहचविता येतील या सर्व गोष्टीचा विचार करून रोशन शिवणकर या युवकाने ‘रोस्टल’ ॲपच्या माध्यमातून शहरातील पहिले ‘शॉप बेस्ड हायब्रिड ई कॉमर्स मार्केट' सुरू केले आहे़.

धावपळीच्या जीवनात प्रत्येक काम झटपट व्हावे अशी अपेक्षा असते. त्यामुळेच मोबाईल उचलून ऑनलाइन शॉपिंग करण्याचा ट्रेंड गेल्या काही वर्षापासून सुरू झाला आहे. आवडीच्या वस्तू घेण्यासोबतच आता ग्राहक किरकोळ सामान आणि किराणा खरेदीही ऑनलाइन करू लागले आहे. लॉकडाउनच्या काळात तर सोशल डिस्टंन्सिंग पाळून सामान खरेदी करणे कठीण झाले होते. मात्र, रोशन शिवणकर या तरुणाने हीच बाब हेरून ग्राहकांना घरपोच किरकोळ सामान देण्यासाठी 'रोस्टेल' हे ॲप विकसित केले. 

सविस्तर वाचा - अचानक का कमी झाली कोरोना बाधितांची संख्या? अतिशय धक्कादायक कारण आले समोर
 

त्यातून शेकडो दुकानांना जोडले. ॲपद्वारे डिजिटल मार्केटिंगच्या मदतीने वस्तूंची खरेदी विक्री करीत व्यवसायास सुरुवात केली. या ॲपला जवळपास पाच हजारावर नागरिकांनी डाउनलोड केले आहे. आज दररोज किमान १२ ते १५ ग्राहकांचे ऑनलाइन ऑर्डर स्वीकारुन ते घरी पोहचविण्याचे काम त्याच्या ॲपद्वारे केल्या जाते. केवळ ग्राहकच नव्हे तर छोट्या मोठ्या दुकादारांनाही सुविधा उपलब्ध करून देण्याचे काम कंपनीमार्फत केल्या जाते. यातून किमान १० ते १५ युवकांना त्याने रोजगारही दिला आहे.
 

लॉकडाउनच्या काळातील बंद दुकाने झाली सुरू

मार्च महिन्यापासून लागलेल्या लॉकडाउनमुळे अनेक दुकाने बंद झालीत. यामुळे अनेकांचे रोजगार गेलेत. मात्र, रोस्टेल मुळे ही बंद दुकाने पुन्हा ऑनलाइन सुरू झाली. याशिवाय त्याद्वारे ग्राहकांनाही वेळेत सामान मिळू लागले. ‘रोस्टल'ने आपल्या ग्राहकांसाठी ५ टक्के ते ८० टक्क्यांपर्यंत विशेष सूट देण्यात येते.

संपादन  : अतुल मांगे  


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Rostel app created by Roshan Shivankar