रब्बी हंगाम येऊनही शेतकरी प्रतीक्षेतच, सोयाबीन नुकसानग्रस्त शेतकऱ्यांना मदत कधी?

soybean producer farmer waiting for help in nagpur
soybean producer farmer waiting for help in nagpur

नागपूर : पूर आणि अतिवृष्टीमुळे शेतकऱ्यांचे प्रचंड नुकसान झाले. सरकारने शेतकऱ्यांना दिवाळीपूर्वी मदत देण्याचे जाहीर केले. नागपूर जिल्ह्यात ६८९६८.२५ हेक्टरमध्ये सोयाबीन पिकांचे नुकसान झाले. मदतीसाठी ६४ कोटी ३९ लाख रुपयांचा प्रस्ताव पाठविण्यात आला असताना अद्याप मदत मिळाली नाही. 

जून ते ऑक्टोबर महिन्यादरम्यान झालेली अतिवृष्टी, पूर, परतीच्या पावसामुळे शेतकऱ्यांचे प्रचंड नुकसान झाले. किडीमुळे सोयाबीनचे पूर्ण पीक हातचे गेले. प्रशासनाकडून सर्व्हे करण्यात आले. नागपूर जिल्ह्यात ६८ हजार ९६८ हेक्टरमध्ये सोयाबीन पिकांचे नुकसान झाले. ९१५१३ शेतकरी बाधित झाले. 
तर ९ हजार ७२१ हेक्टरमध्ये संत्रा, मोसंबी पिकांचे नुकसान झाले असून १८१४८ शेतकरी बाधित आहेत. जिल्ह्यातील १ लाख ९ हजार ६६१ शेतकरी बाधित झाले. या नुकसानग्रस्त शेतकऱ्यांना मदत देण्यासाठी ६४ कोटी ३९ लाख ६४ हजार ८० रुपयांचा प्रस्ताव शासनाकडे दीड महिन्यापूर्वी पाठविण्यात आला. प्रशासनाकडून शासनाकडे पाठविण्यात आलेल्या प्रस्तावात हेक्टरी मदत ६ हजार ८०० रुपये शेतपिकांसाठी, तर फळपिकांसाठी १८ हजार रुपये धरण्यात आले आहे.

विशेष म्हणजे सरकारने शेतपिकांसाठी हेक्टरी १० हजार, तर फळपिकांसाठी हेक्टरी २५ हजार रुपये प्रमाणे मदत देण्याचे जाहीर केले. सरकारने दिवाळीपूर्वी १७ लाख ८३ हजार रुपये देण्यात आले. जून ते ऑक्टोबर महिन्यात आलेल्या पुरामुळे झालेल्या नुकसानासाठीच ही रक्कम देण्यात आल्याचे स्पष्ट केले होते. प्रशासनाच्या अहवालानुसार साडेनऊशेच्या जवळपास शेतकऱ्यांचे पुरामुळे नुकसान झाले. सोयाबीन नुकसानग्रस्त शेतकऱ्यांचा आकडा हा त्या तुलनेत कितीतरी पटीने जास्त आहे. मदत कधी मिळेल, असाच सवाल उपस्थित करण्यात येत आहे. 

पीक नुकसान (हेक्टर) बाधित शेतकरी  मदतीसाठी आवश्यक निधी 
सोयाबीन   ६८,९६८.२५ ९१,५१३ ४६,८९,८४,१००
संत्रा, मोसंबी ९७,२१.११ १८,१४८ १७,४९,७९,९८०

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com