हे राम... हनुमानाचे दर्शन घेतल्यानंतर भक्ताला लघुशंका करणे भोवले, वाचा सविस्तर

नागपूर : शहरात गुन्हेगारीचे प्रमाण वाढतच चालले आहे. कधी हत्या तर कधी लूट अशा घटनांनी नागपूर अक्षरशः हादरून गेले आहे. खून तर नित्याचेच झाले आहेत. म्हणूनच शहराला क्रईम कॅपील असे नाव पडले आहे. यात भर म्हणजे हनुमानाच्या दर्शनासाठी गेलेल्या एका भाविकाने पैसे देण्यास नकार दिला म्हणून काही गुंडांनी धक्कादायक कृत्य केले आहे.

पोलिसांनी दिलेल्या माहितीनुसार, गंगाराम रामदास पोलोलू (६१, रा. नाईकनगर, मानेवाडा रोड) हे गुरुवारी एसक्रॉस कारने डुंडा मारोती देवस्थान येथे दर्शनासाठी गेले होते. दर्शन आटोपून दुपारी ते परतीच्या प्रवासाली निघाले. बेलतरोडी हद्यीत वेळाहरी गावासमोरील सर्विस रोडवरील बसस्टॉपपासून पाचशे मीटर समोर केंद्रीय प्रोव्हिजन शाळेजवळील नाल्याजवळ ते लघुशंकेसाठी थांबले.

कसं काय बुवा? - Video : अरे हे काय ! बहिणीने भावाला राखी बांधायच्या ऐवजी; बहिणीनेच भावाचा व्यवसाय केला उध्दवस्त

लघुशंका झाल्यानंतर परत गाडीत बसत असताना ३० ते ३५ वर्ष वयोगटातील तीन अज्ञात आरोपी मोटारसायकलवरून त्यांच्याजवळ आले. त्यांनी आपले वाहन कारसमोर आडवे केले. ‘भोले के प्रसाद के लिये पैसे दो' असे म्हणत पैशांची मागणी केली. त्यांच्याकडे दुर्लक्षकरीत पोलालू कारमध्ये बसू लागले. त्याचवेळी आरोपीपैकी एकाने पोलोलू यांच्यावर चाकू उगारला. धाक दाखवित त्यांना ढकलून कार घेऊन पळून गेले.

कसेबसे पोहोचले ठाण्यात

तीन लुटारूंनी चाकूच्या धाकावर ११ लाखांची लक्झरी कार पळवून नेली. पोलोलू यांनी कसेबसे बेलतरोडी ठाणे गाठून तक्रर दिली. त्या आधारे पोलिसांनी दुखापत व जबरी चोरीता गुन्हा नोंदवित आरोपींचा शोध सुरू केला. पोलिसांनी तपासचक्र वेगात फिरवित सहा तासांतच कुख्यात सोनू खानसह तिन्ही लुटारूंच्या मुसक्या आवळल्या. कारमध्ये सॅमसंग कंपनीचा मोबाईल तसेच चिल्लर आणि नोट असे दीड हजार रुपये होते.

एक एक धागा जोडत आवळल्या मुसक्या

तक्रार दाखल केल्यानंतर पोलिसांनी वेगवेगळी पथके तयार करून आरोपीच्या शोधार्थ पाठविली. पोलालू यांनी सांगितलेल्या वर्णनावरून आरोपींचा शोध घेण्याचे आव्हान पोलिसांसमोर होते. खबऱ्यांना सक्रिय करण्यासह नागरिकांकडे चौकशी करण्यात आली. एक एक धागा जोडत पोलिसांनी तिन्ही आरोपिंच्या मुसक्या आवळल्या.

सविस्तर वाचा - प्रेमाखातर स्वीकारला मुस्लीम धर्म अन् झाली दोन मुलांची आई, तरीही प्रेम विवाहाचा करुण अंत

आरोपी सराईत गुन्हेगार

तिन्ही आरोपी पोलिस अभिलेखावरील सराईत गुन्हेगार आहेत. त्यांच्यावर जबरी चोरीचे गुन्हे दाखल आहेत. सोनू खान महबूब खान (३२, रा. यासिन प्लॉट, उमरेड रोड, मोठा ताजबाग), शेख हमिद शेख बब्बू (३८, रा. ताज अम्मा कॉलनी, बडा सरायजवळ, मोठा ताजबाग) व सचिन नारायणराव पारधी (३४, रा. प्रभातनगर, नरसाळा) अशी आरोपींची नवे आहेत.

संपादन - नीलेश डाखोरे