twins tenth marks are increased in rechecking in nagpur
twins tenth marks are increased in rechecking in nagpur

याला म्हणतात आत्मविश्वास! फेरमूल्यांकनात जुळ्यांचे गुण ‘सेम टू सेम'; दहावीच्या निकालात दुसऱ्या स्थानावर

नागपूर : दहावीच्या निकाल २९ जुलैला घोषीत करण्यात आला. निकालात रामदासपेठ येथील सोमलवार हायस्कूलच्या अथर्व, आदिती टेंभूर्णीकर या जुळ्या भाऊ आणि बहिणीला ९७ टक्के गुण मिळाले. मात्र, मिळालेल्या गुणावर समाधान होत नसल्याने दोघांनीही फेरमूल्यांकनासाठी बोर्डाकडे अर्ज केला. 

फेरमूल्यांकनातही दोघांचे ‘सेम टू सेम' ८ गुण वाढले आहे. या गुणवाढीमुळे दोघांनींही गुणवत्ता यादीत ९८.६० टक्क्यासह संयुक्तपणे दुसरे स्थान पटकाविले आहे.

दहावीच्या निकालात जे. पी. इंग्लिश स्कूलच्या समीक्षा पराते हिने ९९.४० टक्के गुणांसह विदर्भातून प्रथम येणाच्या मान पटकाविला. यापाठोपाठ याच शाळेतील सानिका गोतमारे, सोमलवार निकालस शाळेचा हृषिकेश चव्हाण, साउथ पब्लिक स्कूलची हिमांश्री गावंडे यांनी ९८.४० टक्‍क्‍यांसह संयुक्तपणे दुसरे स्थान पटकाविले होते. 

दरम्यान अथर्व, आदिती टेंभूर्णीकर यांनी निकालात काही विषयात अपेक्षित गुण मिळाले नसल्याने बोर्डाकडे फेरमूल्यांकनासाठी अर्ज केला. अथर्व, आदिती टेंभूर्णीकर शाळेतील हुशार विद्यार्थी असल्याने शिक्षकांनीही त्यांना फेरमूल्यांकनासाठी अर्ज करण्याचा सल्ला दिला. फेरमूल्यांकनाच्या निकालात दोघांचेही ८ गुण वाढले. यामुळे ९७ टक्क्यांवरुन त्यांची टक्केवारी ९८.६० वर गेली. 

त्यामुळे ९८.४० टक्के असलेल्या सानिका गोतमारे, हिमांश्री गावंडे आणि सोमलवार निकालस शाळेचा हृषिकेश चव्हाण हे तिसऱ्या स्थानावर आले आहेत. याशिवाय अथर्व, आदिती टेंभूर्णीकर दुसऱ्या स्थानावर आले आहेत. यामुळे पुन्हा एकदा सोमलवार हायस्कूलने यशाची परंपरा कायम राखली आहे. त्यांच्या या कामगिरीचे संस्थेचे सचिव प्रकाश सोमलवार व शिक्षकांनी अभिनंदन केले आहे.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com