स्मार्ट सिटी कंपनीची बैठक सुरू; तुकाराम मुंढे यांचे काय होणार?

What will happen to Tukaram Mundhe
What will happen to Tukaram Mundhe

नागपूर : स्मार्ट सिटी कंपनीची बैठक सुरू झाली असून महापालिका आयुक्त तुकाराम मुंढे यांच्या नियुक्तीकडे सर्वांचे लक्ष लागले आहे. मुंढे यांची संचालक म्हणून नियुक्ती आणि त्यानंतर मुख्याधिकारी म्हणून कोणाला नेमायचे हे या बैठकीत ठरणार आहे. विशेष म्हणजे सुमारे पाच महिन्यानंतर कंपनीची बैठक होत असून कंपनीचे अध्यक्ष प्रवीण परदेसी यात उपस्थित राहणार आहे. त्यामुळे मुंढे यांना पत्रद्वारे की फोनवरून सीईओपदाचे सूत्रे दिली याचे रहस्य आज उघडणार आहे.

महापौर संदीप जोशी यांच्यासह जवळपास सर्वच संचालकांचा मुंढे यांना सीईओ म्हणून नियुक्तीस विरोध आहे. विशेष म्हणजे अधिकृत नियुक्तीपूर्वीच मुंढे यांनी स्मार्ट सिटी कंपनीचे सूत्रे आपल्या हाती घेतली आहे. एवढेच नव्हे तर त्यांनी कंपनीतील नऊ कर्मचाऱ्यांना बडतर्फ केले तसेच सुमारे 20 कोटी रुपयांचा निधीसुद्धा खर्च केला. महापालिकेतील सत्तधारी भाजपने नियुक्तीपूर्वीच मुंढे यांनी घेतलेल्या नियुक्तीवर आक्षेप घेतला आहे. संचालकच नसताना कुठल्या अधिकारात मुंढे यांनी निर्णय घेतले असा आरोप त्यांवर केला जात आहे.

आपल्या कंत्राटदारांना लाभ पोचवण्यासाठी मुंढे यांनी नियमबाह्य कामे केली तसेच आर्थिक अनियमितता केल्याचे सत्ताधाऱ्यांचे म्हणने आहे. या विरोधात पोलिस ठाण्यात तक्रारसुद्धा महापौरांना नोंदवली असून उच्च न्यायालयात याचिकासुद्धा दाखल केली आहे.

विशेष म्हणजे या बैठकीला कंपनीचे अध्यक्ष प्रवीण परदेसी उपस्थित राहणार आहे. स्मार्ट सिटीचे माजी सीईओ रामनाथ सोनवणे यांची बदली झाली आहे. त्यांनी दिलेल्या राजीनाम्यानंतर परदेसी यांनी आपणास सीईओपदाची जबाबदारी सोपविली होती असा दावा मुंढे यांनी केला होता. त्यानंतर त्यांनी फोनवरून परदेसी यांनी अधिकार सोपवल्याचे मुंढे यांनी जाहीर केले होते. आज स्वतःच परदेसी बैठकीला उपस्थित राहणार असल्याने मुंढे यांना सूत्र कशी आणि केव्हा दिले याचे गुपित समोर येणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com