गणवेशाचा विषय चिघळणार, सूचनांकडे दुर्लक्ष करणाऱ्या शाळा समितींवर कारवाई

नागपूर : शिक्षण समितीच्या सूचनांकडे दुर्लक्ष करून अनेक शाळा व्यवस्थापन समितींनी स्वमर्जीने गणवेश खरेदी केली. सूचनांकडे दुर्लक्ष करणाऱ्या शाळा व्यवस्थापन समितीवर कारवाई करण्याचा इशारा शिक्षण सभापती पाटील यांनी दिला आहे. काही मुख्याध्यापकांनी माहिती न देण्याची भूमिका घेतल्याचे समजते. त्यामुळे गणवेशाचा विषय आणखी चिघळणार असल्याचे दिसते. 

हेही वाचा - लसीकरणाच्या दोन डोसमध्ये २८ दिवसांचेच अंतर का? 'हे' आजार असतील तरीही घेऊ शकता लस

शासनाच्या निर्णयानुसार गणवेश खरेदीचे अधिकार शाळा व्यवस्थापन समितीला आहे. पण जिल्हा परिषदेच्या शिक्षण यंत्रणेवर शिक्षण समितीच्या माध्यमातून नियंत्रण ठेवण्यात येते. त्यामुळे समितीने विद्यार्थ्यांच्या गणवेशाबाबत एकसूत्रता आणण्यासाठी शाळांना सूचना केल्या होत्या. गणवेशाचा रंग एकच असावा, त्यावर जिल्हा परिषदेचा लोगो असावा व गणवेशाचा दर्जा चांगला असावा, असा ठराव घेण्यात आला. परंतु, शाळा व्यवस्थापन समित्यांनी शिक्षण समितीने केलेल्या सूचनांकडे दूर्लक्ष करून स्वमर्जीने गणवेश खरेदी केला. ज्या शाळांनी गणवेश खरेदी केले, त्या शाळांकडून गणवेशाच्या बिलाच्या पावत्या व गणवेशाचा फोटो समितीने सर्व बीईओंकडून मागितला असल्याचे पाटील यांनी सांगितले. गणवेशाबाबत कोणत्याही पुरवठाबाबत आग्रह केला नसल्याचेही त्यांनी स्पष्ट केले. 

हेही वाचा - खासदार नवनीत राणा आणि त्यांचे पती शिवसेनेवर वारंवार टीका का करतात?

सत्र संपल्यावर नियोजन - 
ग्रामीण भागात इंटरनेट, मोबाईलची समस्या आहे. तरीही सध्या ऑनलाइन शिक्षण देत असल्याचे पाटील यांनी सांगितले. परंतु, याबाबतचा कुठलाही आकडा त्यांच्याकडे नव्हता. विद्यार्थ्यांच्या शिक्षणबाबत समितीच्या बैठकीत चर्चा होत नसून फक्त खरेदीवर चर्च होत असल्याचे सूत्रांकडून समजते. शैक्षणिक सत्र संपल्यावर ऑफलाईन शिक्षणाचा विचार करू, असे उत्तर त्यांनी दिले.