चिंताजनक : विदर्भातील या जिल्ह्यात कोरोना बाधित रुग्णांचे अर्धशतक

corona positive.jpg
corona positive.jpg

अकोला : अकोल्यात कोरोना बाधित रुग्णांची संख्या दिवसागणिक वाढत आहे अशातच मंगळवारी प्राप्त झालेले एकूण बत्तीस अहवालापैकी तब्बल 11 अहवाल पॉझिटिव्ह आले असून आता अकोल्यात एकूण पॉझिटिव्ह अहवाल येण्याची संख्या 75 झाली असून, सध्याच्या घडीला पंचावन्न रुग्ण अॅक्टिव्ह आहेत.

मागील काही दिवसापासून अकोला शहरात लगतच्या काही खेड्यापर्यंत ही कोरोना जाऊन पोहोचला आहे. आढळत असलेले कोरोना पॉझिटिव हे ठराविक परिसरातील असून ते पॉझिटिव्ह रुग्णांच्या संपर्कात आल्यानेच बाधित झाले असल्याचा खुलासा प्रशासनाने केला आहे मात्र अद्यापही कम्युनिटी स्प्रेड झाला नसल्याचे सांगण्यास ते विसरले नाहीत.

मंगळवारी एकूण 32 अहवाल प्राप्त झाले त्यामध्ये 11 अहवाल पॉझिटिव्ह आले आहेत तर एकविसावा निगेटिव्ह आले आहेत. आज पॉझिटिव्ह आढळलेल्या रुग्णांपैकी चार जण मोहम्मद अली  रोड येथील तर उर्वरित पैकी दोन जण बैदपुरा, आणि बाकीचे गुलजारपुरा, पिंजर,खंगनपुरा, कृषी नगर,ताजनगर येथील रहिवासी आहेत.

ग्रामीण भागाकडे कोरोना आगेकूच
सोमवारी अंत्री बाळापुर येथे एक रुग्ण पॉझिटिव्ह आढळला होता त्याच्यानंतर मंगळवारी मध्ये आज प्राप्त झालेल्या अहवालात एक रुग्ण हा बार्शीटाकळी तालुक्यातील पिंजर येथील रहिवासी असल्याचे नमूद करण्यात आले आहे तेव्हा अकोला शहरानंतर कोरोना ने ग्रामीण भाग आपल्या विळख्यात ओढण्यास सुरुवात केली आहे

पिंजर सील करण्याची प्रक्रिया सुरू
विश्वसनीय सूत्रांकडून मिळालेल्या माहितीनुसार पिंजर मध्ये आढळलेल्या पॉझिटिव्ह रुग्णांच्या संपर्कातील व्यक्तींना तपासणीसाठी सर्वोपचार रुग्णालयात आणले जात असून पिंजर हे गाव सील करण्याची प्रक्रिया सुरू करण्यात आली आहे.

अशी आहे सद्यस्थिती
पॉझिटिव्ह अहवाल 75
अॅक्टिव्ह रूग्ण 55
मृत्यू 6
आत्महत्या 1
पूर्णपणे बरे झालेले 13

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com