खामगाव : तालुक्यातील अटाळी येथील शेतकऱ्यांची दिशाभूल करून तब्बल ६६ लाख ८० हजार रुपयांनी फसवणूक करण्यात आल्याची घटना उघडकीस आली आहे. याप्रकरणी आरोपी विरुद्ध गुन्हे दाखल करून त्यास अटक करण्यात आली आहे..यासंदर्भात मोहन लक्ष्मण फाळके रा. अटाळी यांनी खामगाव ग्रामीण पोलिस स्टेशनमध्ये दिलेल्या तक्रारीमध्ये नमुद आहे की, आरोपी माधव मोतीराम पांढरे (५०) रा. गंवढाळा ता.खामगाव याने शासनाकडून मोठ्या प्रमाणात सबसिडी मिळवून देतो तसेच कमी किमतीत शेड बांधून देतो असे आमिष दाखवून गावातील शेतकऱ्यांची दिशाभूल करत फसवणूक केली आहे. .आरोपीने शेतकऱ्यांच्या कर्जखात्यातील रक्कम माऊली फर्म व भारत इरिगेशन या नावाने वळवून घेतली. प्रत्यक्षात शेतकऱ्यांना शेड न बांधता ती रक्कम स्वतःच्या फायद्यासाठी वापरली..यामुळे शेतकरी रामेश्वर आत्माराम वाळके, भगवान तुळशीराम महानकर, कैलास सोपान डिक्कर, अमीर अतीफ शेख अनिस सर्व रा.अटाळी यांची प्रत्येकी अंदाजे १३ लाखांची फसवणूक झाली..Volleyball Trials : बालेवाडीत १४ ऑगस्टला व्हॉलिबॉल निवड चाचणी, आठ विभागांत होणार स्पर्धा.पोलिसांनी आरोपी माधव मोतीराम पांढरे याच्याविरुद्ध कलम ३१८ (४) बीएनएस अंतर्गत गुन्हा दाखल करून त्यास अटक केली असून न्यायालयाने ३ दिवसांची पोल्स कोठडी सुनावली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
