प्रधानमंत्री आवास योजनेतील पावणेदोन लाख घरकुल लाभार्थ्यांची आधार नोंदणी

यवतमाळ : प्रधानमंत्री आवास योजना ग्रामीण योजनेतंर्गत कुटूंब सर्वेक्षण केल्यानंतर या कुटूंबाचे आधार सॉफ्ट प्रणालीवर करण्यात येत आहेत. केंद्र शासन तसेच जिल्हा ग्रामीण विकास यंत्रणेच्या प्रकल्प संचालकांनी सर्व ग्रामपंचायतीना आधार प्रमाणीकरणाचे निर्देश दिले आहेत. 31 जुलैपर्यंत प्रमाणीकरण होणार आहे. जिल्ह्यातील साडेतीन लाख हाउस होल्डर पैकी एक लाख 84 हजार घरकुल लाभार्थ्यांनी आधार नोंदणी केली आहे.

प्रधानमंत्री आवास योजना ग्रामीण योजनेतंर्गत सर्वेक्षण करण्यात आले होते. या सर्वेक्षणात जिल्ह्यातील तीन लाख 49 हजार 478 नावे निश्‍चित करण्यात आली होती. त्यानुसार ज्यांची नावे आली होती, त्या नागरिकांचे आधार प्रमाणीकरण करण्याचे आदेश केंद्र शासनाने दिले आहेत. जिल्ह्यातील ग्रामपंचायतींना या योजनेतील संबंधित कुटूंबांचे आधार प्रमाणीकरण करुन घेण्याबाबत सूचना देण्यात आल्या आहेत.

ग्रामपंचायतनिहाय आधार प्रमाणीकरणाचे काम सुरू आहे. आतापर्यंत एक लाख 84 हजार 221 कुटुंबांची आधार नोंदणी झाली आहे. उर्वरीत नोंदणी 31 जुलैपर्यंत करावी लागणार आहे. त्यानंतर केंद्र शासन "कट ऑफ लिस्ट'जारी करणार असून गरजेनुसार लाभार्थ्यांना घरकुल दिले जाणार आहे. केंद्र शासनाने पात्र ठरविलेल्या यादीचे वाचन ग्रामसभेत केल्यानंतर प्रत्यक्ष कामाला सुरुवात होणार आहे. कोरोना संसर्गाच्या काळात लॉकडाऊनमुळे या योजनेत अनेक अडचणी आल्या आहेत. मात्र, प्रशासकीय स्तरावरुन त्या अडचणीची सोडवणूक करुन लाभार्थ्यांपर्यंत मदत पोहोचविण्याचे काम केले जात आहे. आधार प्रमाणीकरणाचे काम जवळपास 50 टक्‍क्‍यावर पोहोचले आहे. त्यामुळे लवकरच ही यादी अंतिम करुन केंद्र शासनाला पाठविली जाणार आहे. योजनेत सहा लाख मेंबर्स असून दोन लाख 82 हजार सभासदांनी आधार नोंदणी केली आहे. ज्या नागरिकांची आधार नोंदणी झालेली नाही, अशांनी 31 जुलैपर्यंत संबंधित ग्रामपंचायतीकडे आधार क्रमांक द्यावा,असे आवाहन प्रशासनाने केले आहे.

 सविस्तर वाचा - राष्ट्रसंतांची प्रेरणा आणि नागपंचमीचा आष्टी-चिमूर-यावलीचा स्वातंत्र्य लढा

          तालुका                                      लाभार्थी

• आर्णी-                                   19,215
• बाभुळगाव-                             12,637
• दारव्हा-                                 26,065
• दिग्रस-                                 19,551
• घाटंजी-                                19,104
• कळंब-                                 14,567
• केळापुर-                               20,815
• महागाव-                             30,788
• मारेगाव-                               9,821
• नेर-                                   14,617
• पुसद-                                 56,971
• राळेगाव-                            18,283
• उमरखेड-                            42,069
• वणी-                                16,710
• यवतमाळ-                         17,989
• झरीजामणी-                      10,276

बांधकाम झालेल्या घरकुलांची संख्या
वर्ष-                                            बांधकाम

• 2016-17                          10775
• 2017-18                           8310
• 2018-19                             4,867
• 2019-20                           3,146

संपादन - स्वाती हुद्दार