१३ वर्षांच्या मुलीचा गर्भपात; महिला डॉक्टरला ठोकल्या बेड्या| Immoral relations | Sakal
sakal

बोलून बातमी शोधा

Crime

१३ वर्षांच्या मुलीचा गर्भपात; महिला डॉक्टरला ठोकल्या बेड्या

आर्वी (जि. वर्धा) : तीस हजारांच्या हव्यासापोटी महिला डॉक्टरने १३ वर्षांच्या शाळकरी मुलीचा अवैधरित्या गर्भपात (Abortion of a girl) केला. पीडितेच्या आईने केलेल्या तक्रारीवर डॉक्टरसह तिघांविरुद्ध गुन्हा नोंदवून (Female doctor arrested) सोमवारी (ता. १०) अटक करण्यात आली. डॉ. रेखा कदम, किशोर सहारे, नलू सहारे अशी आरोपींचे नावे असून, अल्पवयीन मुलाचा सुद्धा यात समावेश आहे.

पोलिसांनी दिलेल्या माहितीनुसार, मुलीचे आई व वडील मजुरी करतात. पाच ते सहा महिन्यांपासून मुगली शाळेत गेली नाही. घराशेजारी राहणाऱ्या १७ वर्षीय मुलाने यादरम्यान तिच्यासोबत शारीरिक संबंध प्रस्थापित केले. रविवारी तिने आईला पोटात दुखत असल्याचे सांगितले. आईने डॉ. गुल्हाणे यांच्याकडे तपासले असता ती पाच महिन्यांची गर्भवती असल्याचे समजले.

हेही वाचा: लईच भारी! एकाच प्रभागात सख्ख्या जावा आमनेसामने; रंगतदार लढत

मुलीच्या आईने मुलाच्या आई-वडिलांना याची माहिती दिली व तक्रार करण्यासाठी निघाली. मात्र, मुलाच्या आई-वडिलांनी मुलीची बदनामी करण्याची धमकी दिली. तसेच गर्भपात (Abortion of a girl) करण्यासाठी डॉ. कदम यांच्या हॉस्पिटलमध्ये नेले. डॉ. रेखा कदम यांनी गर्भपात करण्यासाठी तीस हजारांची मागणी केली. मुलाच्या आई-वडिलांनी पैसे दिले.

मंगळवारी (ता. ४) मुलीला रुग्णालयात भरती केले. डॉ. रेखा कदमने उपचार सुरू केला. गुरुवारी (ता. सहा) भल्यापहाटे चार वाजताच्या सुमारास मुलीचा गर्भपात झाला. गर्भपात केल्यानंतरही आरोपींनी मुलीच्या आई-वडिलांना धमक्या देणे सुरूच ठेवले. यामुळे त्यांनी रविवारी पोलिसांत तक्रार दाखल केली. पोलिसांनी डॉ. रेखा कदम, किशोर सहारे, नलू सहारे व अल्पवयीन मुलाविरुद्ध गुन्ह्याची नोंद करून अटक (Female doctor arrested) केली.

हेही वाचा: ‘जिनांमध्ये काही चांगल्या गोष्टी असतील; ते आमच्यासाठी निरुपयोगी’

अनेक वर्षांपासून सुरू होता अवैध धंदा

कदम हॉस्पिटलमध्ये अनेक वर्षांपासून गर्भपाताचा अवैध धंदा सुरू होता. पोलिसांनी सखोल तपास केल्यास अनेक प्रकरणे बाहेर येण्याची शक्यता वर्तविली जात आहे. तक्रार प्राप्त होताच पोलिस रविवारी कामी लागली. मात्र, कदम हॉस्पिटल रात्री नऊनंतर बंद झाले होते. हॉस्पिटलची लाइटसुध्दा बंद करण्यात आली होती. मात्र, पोलिसांनी रात्रभर खडा पहारा देऊन सोमवारी सकाळी डॉ. रेखा कदम यांना अटक केली. पोलिसांनी आरोपींना सत्र न्यायालयातील विशेष न्यायालय समक्ष हजर केले असता न्यायाधीश अडोणे यांनी एक दिवसाची पोलिस कोठडी सुनावली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top