राजुरा (जि. चंद्रपूर) ः लग्नाचे आमिष दाखवून मुलीवर अत्याचार करणाऱ्या आरोपीला पोलिसांनी ताब्यात घेतले. पीडित मुलीने त्याच्याविरोधात पोलिसात तक्रार केल्यानंतर तो महिनाभरापासून बेपत्ता होता. अखेर राजुरा पोलिसांनी त्याला चंद्रपुरातून अटक केली. आरोपीचे नाव प्रवीण मोरे असे आहे.
राजुरा शहरापासून बारा कि.मी. अंतरावर असलेल्या साखरी (वाघोबा) येथील वेकोलि कामगार असलेल्या प्रवीण मोरे (वय २५) याची एका गरीब कुटुंबातील मुलीशी ओळख झाली. पीडित मुलीच्या घरची परिस्थिती हलाखीची आहे. तिला वडील नसल्याने ती आपल्या आईसह आजीकडे राहत होती.
ओळखीचा फायदा घेत त्याने तिला लग्नाचे आमिष दाखविले. मागील सात महिन्यांपासून तो तिच्यावर अत्याचार करीत होता. मात्र, पीडित मुलीने त्याच्याकडे लग्नाची गोष्ट काढली तेव्हा प्रवीण मोरे याने तिच्याशी लग्न करण्यास नकार दिला. एवढेच नव्हे तर गावातूनच पळ काढला.
आपली फसवणूक झाली असल्याचे पीडित मुलीच्या लक्षात आल्यावर तिने प्रवीण मोरे याच्या विरोधात अत्याचार केल्याची तक्रार सहा सप्टेंबर रोजी राजुरा पोलिस ठाण्यात दाखल केली होती. आपल्याविरुद्ध पोलिस ठाण्यात तक्रार करण्यात आल्याचे आरोपी प्रवीण मोरेला कळताच तेव्हापासून तो गावातून पसार होता होता.
राजुरा पोलिस पंचवीस दिवस त्याच्या शोधात होते. अखेर ३० सप्टेंबरला त्याला चंद्रपूर शहरातून अटक करण्यात यश आले. त्याच्यावर पोलिसांनी पास्को अंतर्गत गुन्हा दाखल केला आहे.
संपादन ः राजेंद्र मारोटकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.