वर्धा : लॉकडाऊनच्या काळात अनेक व्यापारी जीवनावश्‍यक वस्तूंचा काळाबाजार करीत आहेत. हा काळाबाजार आजही सुरूच असल्याची सर्वसामान्यांची ओरड आहे. पण, कोणीच तक्रार करीत नाही. यामुळे कारवाई करणे कठीण होत आहे. यामुळे अशा दुकानदारांची तक्रार करण्याचे आवाहन जिल्हा प्रशासनाकडून करण्यात आले आहे. तक्रारदारांची नावे गोपनीय ठेवण्यात येतील असे प्रशासनाने कळविले आहे.
राज्यात सुरू असलेल्या लॉकडाऊनच्या काळात अनेक जीवनावश्‍यक वस्तूंची आवक जिल्ह्यात झाली नाही. यामुळे अनेक दुकानमालकांनी त्यांच्याकडे असलेल्या साहित्याचे दर वारेमाप वाढवून सर्वसामान्यांची लूट करण्याचा सुरू केलेला सपाटा आजही सुरूच आहे. याबाबत अनेकांकडून ओरड होत आहे. यावर प्रशासनाने कारवाई करण्याचा सपाटा सुरू केला परंतु, तक्रारीअभावी त्यांना ते करणे अवघड झाले. यामुळे आता प्रशासनाने तक्रार करण्यासंदर्भात जनतेला आवाहन केले आहे.
सध्या दुकानात साहित्य उपलब्ध नाही. हवे असल्यास अतिरिक्‍त पैसे मोजावे लागतील अशी भाषा दुकानमालकांकडून बोलली जात असल्याची माहिती जिल्हा प्रशासनाकडे पोहोचली आहे. विशेषत: यात किराणा व्यापाऱ्यांचा मोठा सहभाग आहे. यामुळे यात सर्वसामान्यांची मोठी लूट होत आहे. याचा विचार करून शासनाने अशा दुकानदारांवर कारवाई करण्याचा निर्णय घेतला आहे. या निर्णयानुसार शासनाकडे तक्रार केल्यास अशा दुकानमालकांवर कारवाई करणे शक्‍य होणार आहे. याकरिता केवळ नागरिकांनी दुकानमालकाचे नाव आणि पत्त्यासह तक्रार करावी. यामुळे त्याच्यावर कारवाई करणे सोयीचे होईल. एवढेच नाही तर तक्रार करणाऱ्यांचे नाव गुप्त ठेवण्यात येईल, असे प्रशासनाकडून कळविण्यात आले आहे.
लॉकडाऊनच्या काळात अधिक नफा कमविण्याच्या नादात अनेक व्यापाऱ्यांकडून साठेबाजी करण्याचा प्रकार करण्यात आला. याची माहिती प्रशासनाला मिळाली असून त्यांच्यावर विशेष लक्ष ठेवण्यात आले आहे. साठेबाजीची कल्पना मिळताच प्रशासनाकडून त्यांच्यावर छापा मारण्यात येणार असल्याचे सांगण्यात आले आहे.
जिल्ह्यात सुरू असलेल्या या काळाबाजाराची माहिती मिळताच तहसील कार्यालयातील निरीक्षण अधिकारी प्रज्वल पाथरे यांच्या 9890762756 या भ्रमणध्वनीवर संपर्क साधावा. शिवाय काळा बाजारासंदर्भात काही व्हिडिओ असल्यास तो या क्रमांकावर पाठवावा असे आवाहन जिल्हा प्रशासनाकडून करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.