कोरोनाविरुद्ध लढणाऱ्या विद्यार्थिनी लढत आहेत घरमालकांशी, असा दिला जातोय त्रास...

Amravati students suffer from homeownership
Amravati students suffer from homeownership
Updated on: 

अमरावती : कोरोना विषाणूचा प्रादुर्भाव रोखण्यासाठी प्रशासनासोबत सहकार्य करणाऱ्या वैद्यकीय विद्यार्थिनी घरमालकांच्या त्रासापायी त्रस्त झाल्या आहेत. त्यांच्यावर लॉकडाऊन व संचारबंदी सुरू असताना घर सोडण्यासाठी दबाव टाकण्यात येत आहेत. लॉकडाऊनच्या या काळात भाडेकरूंना राहू देणे व भाड्यासाठी तगादा न लावण्याच्या सूचना असताना विद्यार्थिनींवर दबाव येत असल्याने त्या त्रस्त झाल्या आहेत. 

विदर्भ आयुर्वेद महाविद्यालयातील वैद्यकीय शाखेच्या काही विद्यार्थिनी महापालिकेच्या आरोग्य तपासणी व सर्वेक्षण पथकांत सहभागी झाल्या आहेत. यातील काही विद्यार्थिनी बाहेरगावच्या असून, त्या महाविद्यालय परिसरानजीकच्या भागात भाड्याने राहतात. शहरातील संवेदनशील भागात त्यांचे आरोग्य सर्वेक्षण व तपासणी सुरू आहे. सकाळी आरोग्य तपासणी व सर्वेक्षणासाठी घराबाहेर पडणाऱ्या विद्यार्थिनी घरी परतल्यावर घरमालकांकडून त्यांच्यावर घर सोडण्यासाठी दबाव सुरू होतो.

"त्या कोरोनाबाधित भागातून आल्या असून, त्यांच्यापासून धोका आहे', अशी कारणे समोर केले जात आहे. सॅनिटाइज आहात का?, निर्जंतुक करून घेतले आहे का?, तुमच्यापासून आम्हाला बाधा तर होणार नाही ना?, असे नानाविध प्रश्‍न उपस्थित करून या विद्यार्थिनींना त्रस्त केले जात आहे. त्यांनी घर खाली करावे यासाठी हा प्रयत्न सुरू आहे. 

राज्य सरकारने घरमालकांना लॉकडाऊन व संचारबंदीच्या काळात भाडेकरूंना भाड्यासाठी तगादा न लावण्याच्या व घर सोडण्यास बाध्य करू नये अशा सूचना दिल्या आहेत. त्याचे अमरावती महापालिकेच्या क्षेत्रात काही घरमालकांकडून सर्रास उल्लंघन होऊ लागले आहे. मनपा आयुक्त व जिल्हाधिकाऱ्यांनी या संदर्भात लक्ष घालून चिंतामुक्त करावे, अशी विनंती विद्यार्थिनींनी केली आहे.

आयुक्तांकडे तक्रार 

आरोग्य पथकातील वैद्यकीय महाविद्यालयाच्या विद्यार्थिनींची तक्रार आयुक्तांच्या कानावर टाकण्यात आली आहे. त्यांनी घरमालकांचे उद्‌बोधन करावे, अशी विनंती केली आहे. परिस्थिती निवळल्यावर त्यांची अन्य ठिकाणी निवासाची व्यवस्था करण्याचे प्रयत्न करू, असे महापालिकेचे पशू वैद्यकीय अधिकारी डॉ. सचिन बोंद्रे यांनी सांगितले. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

satish kayande, sanjay khadase, dr ashish bobade and abhang jadhav
ranveer tiger
Wife gave Rs 13 lakh contract for murder of husband's friend.
Akola's Women and Child Development Department has warned Ladki Bahin beneficiaries against fake e-KYC links and sharing personal information.