Chandrapur Ashram School: आश्रमशाळेतील वरणात पाल आढळली; जेवणानंतर ३१ विद्यार्थ्यांना उलट्यांचा त्रास, चंद्रपूरमधील धक्कादायक प्रकार

जिवती: तालुक्यातील नगराळा येथील श्री अम्ब्रु नाईक खासगी आश्रमशाळेत वरणाच्या भांड्यात पाल पडल्याने विद्यार्थ्यांना विषबाधा झाल्याची घटना घडली. या घटनेची प्रशासनाने गंभीर दखल घेतली. बुधवारी (ता.२) अन्न व औषधी प्रशासन विभागाने भोजनाचे नमुने घेतले व अन्य बाबींची तपासणी केली.