हे आहेत बडनेरा-भुसावळ पॅसेंजरमधील नवे बदल.... जाणून घ्या

अमरावती : प्रवाशांच्या सुविधेसाठी मध्यरेल्वेने भुसावळ- बडनेरा मार्गावर मेमू ट्रेन चालविण्याचा निर्णय घेतला आहे. लोकलच्या धर्तीवर ही पॅसेंजर ट्रेन प्रवाशांच्या पसंतीस उतरत आहे. यापूर्वी अमरावती-नागपूर मार्गावर ही ट्रेन सुरू झाली. 1 फेब्रुवारीपासून बडनेरा-भुसावळ मार्गावर नव्या मेमू लूकमध्ये ही ट्रेन धावेल. गाडी क्रमांक (51183- 51184 अप-डाऊन) भुसावळ -नरखेड पॅसेंजर या गाडीचा नंबर बदलून (61101-61102) असा नवीन ठेवण्यात आला आहे.

गाडी क्रमांक (61101-डाऊन) भुसावळ -बडनेरा ही ट्रेन 1 फेब्रुवारीपासून नव्या मेमू लूकमध्ये प्रवाशांच्या सेवेत दाखल होईल. भुसावळ स्थानकावरून पहाटे 6.30 वाजता ही गाडी प्रस्थान करून 11.25 वाजता बडनेराला पोहोचेल. तर गाडी क्रमांक (61102-अप) बडनेरा-भुसावळ ही गाडी 3 फेब्रुवारीपासून नव्या लूकमध्ये धावेल. बडनेरा स्थानकावरून दुपारी 1.30 वाजता ही गाडी बडनेरा स्थानकावरून सुटेल.

- जरीपटका कॉलगर्ल्स आणि दलालांसाठी सेफ झोन!

यापूर्वी ही गाडी थेट नरखेड स्थानकावर जात होती. मात्र या क्रमांकाची ही गाडी नरखेड न जाता बडनेरापर्यंतच चालेल. बडनेरानंतरही हीच ट्रेन राहील. मात्र या गाडीचा क्रमांक दुसरा राहील. त्यामुळे प्रवाशांना गाडी बदलावी लागणार नाही. गाडी क्रमांक (61103) बडनेरा - नरखेड ही गाडी 12.15 वाजता नरखेडसाठी प्रस्थान करेल. तर नरखेड ते बडनेरासाठी (61106) हा गाडी क्रमांक राहील. सकाळी 9.15 वाजता नरखेड स्थानकावरून प्रस्थान करून दुपारी 1.10 वाजता ही गाडी बडनेराला पोहोचेल. यानंतर हीच ट्रेन गाडी क्रमांक (61102) क्रमांकासहित भुसावळला रवाना होईल. या गाडीला 8 मेमू कोच राहतील.