Accident : भागवतकार महाराज यांचा अपघातात दुर्दैवी मृत्यु

लाखांदूर - तालुक्यातील मेंढा/चप्राड येथील रहिवासी व परिसरात भागवतकार व कीर्तनकार म्हणून सुपरिचित असलेले पांडुरंग राऊत महाराज (वय-६०वर्ष) यांचे अपघातात दुर्दैवी मृत्यु झाल्याची घटना आज सांयकाळी ६.३० वाजे दरम्यान लाखांदुर-चप्राड रस्तावर चप्राड पहाडी जवळ घडली.

पांडुरंग महाराज काही कामानिमित्त लाखांदुरला गेले होते. काम आटोपून मेंढा या स्वगावी स्कुटीने परत येत असतांना चप्राड पहाडीजवळ अज्ञात वाहनाची धडक लागुन सिमेंट रस्त्यावर पडले. बराच वेळ घटनास्थळी पडुन राहले, काही वेळानंतर त्यांना ग्रामीण रुग्णालय लाखांदुर येथे उपचारार्थ भरती करण्यात आले. माञ डाँक्टरांनी त्यांना मृत घोषित केले.

पांडुरंग महाराजचे मुळगाव सोनी येथील असुन बर्याच वर्षापासुन मेंढा येथे वास्तव्यास राहत होते. ते वर्षभर धार्मिक कार्यात मग्न राहत असत. परीसरात धार्मिक कार्य त्यांच्या हस्ते पार पडत असत, त्यांच्या अचानक अपघाती मृत्युने त्यांच्या अनुयायी व कुटुंबावर सोनी, चप्राड, मेंढा या गावावर शोककळा पसरली आहे.