Yavatmal: २० कोटीत केंद्रीय राज्यमंत्री दर्जा, थेट दिल्लीतून कॉल येईल; आमिष दाखवून फसवणूक, भाजप पदाधिकाऱ्यांची पोलिसात धाव

यवतमाळ: केंद्रीय राज्यमंत्री पदाचा दर्जा देवू, असे म्हणून भाजप जिल्हा समन्वयकांना फसविण्याचा तिघांनी प्रयत्न केला. परंतु, जिल्हा समन्वयक नितीन भुतडा यांनीच केलेल्या 'स्टिंग' मुळे हा प्रकार उघडकीस आला. या प्रकरणी अवधूतवाडी पोलिस ठाण्यात दिलेल्या तक्रारीवरून पोलिसांनी तिघांनाही बेड्या ठोकल्या. लौकिक जगन्नाथ फुलकर (रा. नेताजी नगर), गणेश लालसिंग राठोड (रा. दाभा पहूर, बाभूळगाव), विश्वजित सुरेश राठोड (रा. ब्राम्हणवाडा, आर्णी) अटक केली. तर तिघांनाही तीन दिवसाची कोठडी सुनावण्यात आली आहे.