गोरेगाव (जि. गोंदिया) : कोरोना प्रतिबंधासाठी देशात संचारबंदी लागू झाली आहे. लोहार समाज हातावर पोट भरणारा आहे. लॉकडाऊनमुळे लोहारकाम, सुतारकाम बंद असल्यामुळे हा वर्ग आर्थिक अडचणीत सापडला असून उपासमारीची वेळ या समाजावर आली आहे.
लॉकडाऊन व संचारबंदी असल्याने लोहार व सुतार काम करता येत नाही. आगामी काळात लाँकडाऊनमध्ये वाढ झाल्यास काम धंदा ठप्प पडणार व काम नसल्याने करावे काय? असा प्रश्न लोहार समाजासमोर निर्माण झाला आहे. त्यातच घरातील दैनंदिन जीवनावश्यक साहित्य संपले असून शासनाने या समाजाकडे लक्ष देण्याची गरज आहे. सामाजिक संस्था, सरकारी मदत न मिळाल्यास उपाशी राहावे लागणार आहे. लोहार समाजाची आर्थिक अडचण दूर करण्यासाठी शासनाने तातडीने पाऊल उचलण्याची गरज आहे.
लोहार समाजातील ८० टक्के मंडळी लाकडी, लोखंडी कामे करतात. हा समाज या संचारबंदीमुळे पूर्णतः खचला आहे. ग्रामीण खेड्यापाड्यातील लोहार समाजातील स्थिती शहरी समाज बांधवांपेक्षाही भयानक आहे. शासनाने अन्नधान्य व जीवनाश्यक वस्तुंचा पुरवठा लोहार-सुतार समाजातील गरजू बांधवांना करण्यात यावे, अशी मागणी लोहार समाजाने केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.