बुलडाणा - सिंदखेडराजाच्या लढतीचा अद्याप निर्णय झाला नसला, तरी उर्वरित बहुतांश मतदारसंघांमध्ये महायुतीने जुन्याच खेळाडूंना पुन्हा नव्या दमाने मैदानात उतरविले आहे. तर महाविकास आघाडीने बुलडाणा व मेहकरमध्ये नव्या चेहऱ्यांना संधी दिली आहे.
महायुतीने जिल्ह्यातील भाजपच्या संजय कुटे, श्वेता महाले व आकाश फुंडकर या तीनही आमदारांना पुन्हा संधी दिली आहे. एकनाथ शिंदे यांच्या शिवसेनेनेही संजय गायकवाड व डॉ. संजय रायमुलकर यांना कायम ठेवले आहे, तर मलकापुरात भाजपने माजी आमदार चैनसुख संचेती यांना पुन्हा संधी दिली आहे.