Buldhana Crime: जिवंत मुलीच्या हत्या प्रकरणी २२ दिवस पिता-पुत्र कारागृहात, पोलिसांची उचलबांगडी

जळगाव जामोद: राजुरा शिवारातील महिलेच्या हत्येच्या आरोपात पोलिसांनी अटक केलेल्या पिता-पुत्रास न्यायालयाने दोषमुक्त केल्यानंतर शनिवारी (ता.३०) सकाळी दोघांची सुटका करण्यात आली. तसेच तपासात कसूर व बेजबाबदारपणा केल्याचा ठपका ठेवत जिल्हा पोलिस अधिक्षकांनी एलसीबी प्रमुखासह जळगाव जामोद ठाणेदाराची तडकाफडकी उचलबांगडी करत त्यांची मुख्यालयी सलग्न केले. मात्र, शिरच्छेद झालेला 'तो' मृतदेह नेमका कुणाचा याचा अद्यापही थांगपत्ता लागलेला नाही.