पुसद (जि. यवतमाळ) : कोरोनाने सगळेच व्यवहार ठप्प पडले आहेत. सगळे व्यवसायही थंडावले आहेत. त्यातलाच एक म्हणजे नर्सरीचाही व्यवसाय. विविध प्रकारच्या फुले- फळ झाडांपासून तर शोभेच्या रोपट्यांनी सजलेले वरुड येथील नर्सरींचे दालन ग्राहकांअभावी ओस पडले आहे. लॉक डाऊनमुळे रोपट्यांची विक्री ठप्प झाली असून लक्षावधी रुपयांच्या रोपट्यांच्या उलाढालीला कोरोनाची बाधा झाली आहे. त्यामुळे शेतकरी व नर्सरीमालक आर्थिक संकटात सापडले आहे.
कोरोनामुळे लग्नसराई ठप्प आहे. लग्न समारंभासाठी फुलांची मोठी मागणी असते. मात्र, लग्नसमारंभ बंद असल्याने फुल विक्रीवरही मोठा परिणाम झाला आहे. लग्न प्रसंगातील अथवा घरगुती सजावटीसाठी शोभिवंत झाडांच्या कुंड्यांची मोठी मागणी असते. यातून चांगले उत्पन्न मिळते. परंतु कोरोनाने यावरही पाणी फेरले आहे. नर्सरीतील झाडे जगविण्यासाठी नर्सरीचा खर्च सुरू आहे तर उत्पन्नाची दारे बंद झाली आहेत. त्यामुळे लाँकडाऊन केव्हा संपेल याचीच आता नर्सरी मालक वाट बघत आहे.
सविस्तर वाचा - झुरळ मारून अंगणात का फेकले; यावरून शेजा-याने घडविले महाभारत
लाखोंची उलाढाल ठप्प
नर्सरी कामगार ते मालक असा तीस वर्षाचा प्रवास केला. मात्र कोरोना सारखी बिकट परिस्थिती यंदा पाहावयास मिळाली. सर्वच प्रकारचे दर्जेदार रोपटे उपलब्ध असताना लॉकडाऊन मुळे ग्राहक नाहीत. त्यामुळे नर्सरीची ५ ते ८ लाख रुपयांची उलाढाल ठप्प झाली आहे.
माधव पडघणे
निसर्ग नर्सरी, वरुड ( पुसद)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.