नागपूर जिल्ह्यातील हे आमदारपुत्र उतरणार जि. प. मैदानात?

This MLA from Nagpur district will come down. W On the field?
This MLA from Nagpur district will come down. W On the field?
Updated on: 

नागपूर : जिल्ह्यातील अनेक आमदारांनी त्यांचे राजकीय करिअर जिल्हा परिषदेतून सुरू केले आहे. त्याच्याच पावलावर पाऊल टाकत मुलांनाही राजकीय कारकीर्द उज्ज्वल करायची तयारी करीत आहेत. आजी-माजी आमदारपुत्र-पुत्रीदेखील निवडणुकीच्या रिंगणात उतरणार असल्याचे संकेत मिळू लागले आहेत.

सावनेरचे माजी आमदार देवराव आसोले यांचे पुत्र ऍड. गजानन यांनी पारशिवनी तालुक्‍यातील गोंडेगाव सर्कलमधून जिल्हा परिषद निवडणूक लढविण्याची तयारी केली आहे. सर्वसाधारण सर्कल असल्याने येथून लढणारे अनेक असले तरी त्यांनी निवडणुकीसाठी पूर्वीपासूनच तयारी केली आहे. त्यांची उमेदवारी डावल्यास भाजपला येथे मोठा फटका बसू शकतो अशीही चर्चा सर्कलमध्ये रंगू लागली आहे.

राष्ट्रवादी कॉंग्रेसचे माजी मंत्री तसेच काटोलचे आमदार अनिल देशमुख यांचे पुत्र सलील हे देखील जिल्हा परिषद निवडणूक लढविणार आहेत. ते काटोल तालुक्‍यातील येनवा, मेटपांजरा किंवा पारडसिंगा सर्कलमधून लढणार असल्याची चर्चा आहे. या तिन्ही सर्कलमध्ये ते सध्या चाचपणी करीत आहे. येनवा सर्कलमधून ते निवडणूक लढविणार असल्याचे निश्‍चित मानले जात आहे.

माजी मंत्री चंद्रशेखर बावनकुळे यांचे पुत्र संकेत हे देखील जिल्हा परिषद निवडणुकीची तयारी करीत असल्याची माहिती आहे. त्यांचा सर्कल अद्याप निश्‍चित नसल्याचे सांगण्यात येत आहे. याशिवाय जिल्हा परिषदेचे माजी अध्यक्ष सुरेश भोयर यांचे पुत्र अनुराग हेदेखील निवडणुकीच्या रिंगणात उतरणार असल्याची चर्चा आहे.

यांचा मात्र नकार

सावनेरचे आमदार सुनील केदार यांच्या पुत्री डॉ. पौर्णिमा केदार-चिंचमलातपुरे यांची सावनेर तालुक्‍यातील वाकोडी सर्कलमधून निवडणूक लढविणार असल्याची चर्चा रंगली होती. मात्र, त्यांनी निवडणूक लढणार नसल्याचे सांगून चर्चेला विराम दिला आहे. याशिवाय माजी आमदार सुधीर पारवे यांचे पुत्र रोहित यांनी पुढील दोन वर्षे निवडणूक लढणार नसल्याचे सांगितले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Paritosh Ingole Joins Republican Sena After Leaving Vanchit Bahujan Aghadi
Kurkheda Gadchiroli News 50 Historic Veergal Sculptures Discovered Near Andhali Village Reveal Ancient Warrior Traditions
Malkapur Student Death News Engineering College Student Found Dead Near Dharangaon Police Investigate the Incident
Akola Civil Lines Police take action against two men for allegedly circulating videos of occult-like activities.