आघाडी सरकार काय म्हणते, शेतकऱ्यांना कर्ज नाही म्हणते 

आघाडी सरकार काय म्हणते, शेतकऱ्यांना कर्ज नाही म्हणते 
Updated on: 

नागपूर : हिवाळी अधिवेशन शेतकऱ्यांच्या मुद्‌द्‌यावरून चांगलाच गाजत आहे. यामुळे दोन दिवस कामकाज होऊ शकले नाही. तसेच विरोधी पक्षाने आंदोलने केली. चौथ्या दिवशीही चंद्रकांतदादा पाटील यांच्या नेतृत्वात भाजपने विधानभवन परिसरात आंदोलन करून सरकारला कोंडीत पकडण्याचा प्रयत्न केला. "आघाडी सरकार काय म्हणते, शेतकऱ्यांना कर्ज नाही म्हणते' अशा घोषणा देत परिसर दणाणून सोडला. 

मुख्यमंत्री उद्धव ठाकरे यांनी शेतकऱ्यांना हेक्‍टरी 25 हजार रुपये देण्याचे आश्‍वासन दिले होते. तसे वृत्तही सामनामध्ये प्रकाशित झाले होते. तेव्हा मुख्यमंत्री उद्धव ठाकरे यांनी दिलेले आश्‍वासन पूर्ण करावे, अशी मागणी विरोधी पक्षनेते व माजी मुख्यमंत्री देवेंद्र फडणवीस यांनी हिवाळी अधिवेशनाच्या पहिल्याच दिवशी केली होती. दुसऱ्या दिवशी भाजपने शेतकरी मुद्दा धरून सरकारला कोंडीत पकडण्यास सुरुवात केली. यासाठी परिसरात आंदोनही केले होते. 

विरोधी पक्षाचे आमदार परिसरात सामनामध्ये प्रकाशित वृत्त "मी तुम्हाला न्याय देण्यासाठी बांध्यावर आलोय' असे बॅनर घेऊन आंदोलन करीत होते. या सरकारला शेतकऱ्यांची चिंता आहे. त्यामुळेच त्यांनी हेक्‍टरी 25 हजार देण्याचे आश्‍वासन दिले होते. आता त्यांचेच सरकार आहे. हीच ती वेळ आहे असे म्हणून दिलेले आश्‍वासन पूर्ण करण्याची मागणी केली होती. 

दुसऱ्या दिवशी विधानसभेचे कामकाज सुरू होताच विरोधी पक्षनेते देवेंद्र फडणवीस यांनी शेतकऱ्यांना हेक्‍टरी 25 हजार रुपये मदत देण्यासाठी चर्चा करण्याची मागणी केली होती. यावेळी भाजप आमदारांनी वेलमध्ये येऊन घोषणाबाजी केली. तसेच अभिमन्यू पवार आणि नारायण कुचे यांनी बॅनर झळकावले व घोषणाबाजी केली. यावेळी शिवसेनेचे संजय रायमूलकर यांनी बॅनर ओढण्याचा प्रयत्न केल्याने दोन्ही पक्षाच्या आमदारांमध्ये धक्काबुक्की झाली. भाजपचे आशीष शेलार, गिरीश महाजन आणि शिवसेनेचे भास्कर जाधव, संजय राठोड यांनी मध्यस्ती केली. एकंदरीत शेतकरी मुद्‌द्‌यावरून सरकारला जाब विचारण्याचा प्रयत्न विरोधकांनी केला. 

विरोधक न्याय देण्यासाठी आग्रही

चौथ्या दिवशीचे कामकाज सुरू होण्यापूर्वी पुन्हा विरोधकांकडून शेतकऱ्यांसाठी आंदोलन करण्यात आले. विरोधकांचे आंदोलन सुरू असल्याने शेतकऱ्यांना न्याय देण्यासाठी ते आग्रही असल्याचे दिसून येते. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Paritosh Ingole Joins Republican Sena After Leaving Vanchit Bahujan Aghadi
Kurkheda Gadchiroli News 50 Historic Veergal Sculptures Discovered Near Andhali Village Reveal Ancient Warrior Traditions
Malkapur Student Death News Engineering College Student Found Dead Near Dharangaon Police Investigate the Incident
Akola Civil Lines Police take action against two men for allegedly circulating videos of occult-like activities.