पुसद - वृद्ध आईच्या उदरनिर्वाहासाठी मुलाने आर्थिक मदत करावी, असा महत्त्वपूर्ण आदेश येथील प्रथम वर्ग न्याय दंडाधिकारी अमिता यादव यांनी दिला आहे. न्यायालयाने मुलास दरमहा १५ हजार रुपये पोटगी देण्याचे नुकतेच निर्देश दिले आहेत. .या प्रकरणात ६८ वर्षीय लक्ष्मीबाई माघाडे (रा. कन्हेरवाडी, ता.पुसद ) यांनी आपल्या मुलगा तुकाराम माघाडे व सुने विरुद्ध फौजदारी प्रक्रिया संहितेच्या कलम १२५ अंतर्गत अर्ज दाखल केला होता. संबंधित महिलेने वयोमानामुळे स्वतःचा उदरनिर्वाह करणे शक्य नसल्याचे व मुलगा-सून आपले वृद्धापकाळात पालन पोषण करत नसल्याने मुलाकडून आर्थिक मदतीची मागणी केली होती..न्यायालयीन सुनावणीत मुलगा व सून दोघेही नोकरीत असून त्यांना नियमित उत्पन्न असल्याचे समोर आले. तरीही त्यांनी आईच्या देखभालीकडे दुर्लक्ष केल्याचे न्यायालयाने निरीक्षणात नमूद केले. सर्व बाबींचा विचार करून न्यायालयाने मुलास दरमहा १५ हजार रुपये पोटगी देण्याचा आदेश दिला..तसेच अर्जाचा खर्च म्हणून २ हजार रुपये देण्याचेही निर्देश देण्यात आले आहेत. ही रक्कम अर्ज दाखल केल्याच्या तारखेपासून लागू राहणार असून प्रत्येक महिन्याच्या १० तारखेपूर्वी अदा करणे बंधनकारक राहील, असे आदेशात स्पष्ट करण्यात आले आहे..या आदेशाने लक्ष्मीबाई हिला न्याय मिळाला असून ज्या आई वडिलांचे पालनपोषण मुलगा किंवा सून करत नसेल त्यांच्यासाठी हा निकाल मार्गदर्शक ठरणारा आहे.पीडित आई लक्ष्मीबाईच्या वतीने ॲड. शाहेद शेख यांनी सक्षमपणे बाजू मांडली आहे. या निर्णयामुळे वृद्ध पालकांच्या हक्कांबाबत न्यायालयाने पुन्हा एकदा ठोस भूमिका घेतल्याचे स्पष्ट झाले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
