चंद्रपूर : सिंदेवाही वनपरिक्षेत्रात येणाऱ्या रत्नापूर बिटात शनिवारी (ता. १२) सकाळी एक वाघ मृतावस्थेत आढळून आला. दोन वाघांच्या झुंजीत या वाघाचा मृत्यू झाल्याचा अंदाज वनविभागाने वर्तविला आहे. घटनेची माहिती मिळताच सिंदेवाही वनविभागातील वरिष्ठ कर्मचारी घटनास्थळी दाखल झाले.
सिंदेवाही वनपरिक्षेत्रात नवरगाव क्षेत्रात येते. या क्षेत्रात रत्नापूर बिट येते. घनदाट जंगलात व्याप्त असलेल्या या वनपरिक्षेत्रात गेल्या काही वर्षांत वाघांची संख्या वाढली आहे. शनिवारी सकाळी काही शेतमजूर शेतावर जात होते. तेव्हा त्यांना या परिसरात दुर्गंधी येऊ लागली होती. त्यामुळे ते त्या दिशेने गेले. तेव्हा एक वाघ मृतावस्थेत आढळून आला.
या घटनेची माहिती मजुरांनी वनविभागाच्या कर्मचाऱ्यांना दिली. त्यांनी या घटनेची माहिती वनपरिक्षेत्र अधिकाऱ्यांना दिली. माहिती मिळताच लगेच वनपरिक्षेत्र अधिकारी आपल्या चमूसह रत्नापूर बिटात आले. घटनास्थळाची पाहणी केली. मृत वाघ हा पाच ते सहा वर्षांचा आहे. दोन वाघांच्या झुंजीत त्या वाघाचा मृत्यू झाला असावा, असा प्राथमिक अंदाज व्यक्त करण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.