अमरावती : सप्टेंबरमधील पावसाने अमरावती विभागातील सर्व धरणांमधील पाणीपातळी चांगलीच वाढली. अजूनही मोठ्या व मध्यम, अशा 21 धरणांतून कमी-अधिक विसर्ग सुरू आहे. झालेला पाणीसाठा बघता आगामी रब्बी हंगामात सिंचनाची सोय व उन्हाळ्यातील पाणीपुरवठ्याचा ताण हलका होण्याची शक्यता आहे.
अमरावती विभागात 9 मोठे, 24 मध्यम व 477 लघू सिंचन प्रकल्प आहेत. एकूण 511 सिंचन प्रकल्पात सध्या 3383 दलघमीच्या तुलनेत 2753 दलघमी (83 टक्के) जलसाठा झाला आहे. नऊ मोठ्या धरणांपैकी अमरावतीमधील अप्पर वर्धा, यवतमाळमधील पूस, बेंबळा, अकोल्यातील काटेपूर्णा व यवतमाळमधील खडकपूर्णा यातून विसर्ग सुरू आहे. 9 ते 11 सप्टेंबरदरम्यान धरणांच्या पाणलोट क्षेत्रात झालेल्या दमदार पावसामुळे धरणांतून विसर्ग करण्याची वेळ जलसंपदा विभागावर आली. अरुणावती प्रकल्पाचे दरवाजे बंद करण्यात आले असून उद्या-परवापर्यंत उर्वरित धरणांचेही दरवाजे बंद करण्यात येतील, असे जलसंपदा अधिकाऱ्यांनी सांगितले.
मध्यम श्रेणीतील अमरावती जिल्ह्यातील शहानूर, चंद्रभागा, पूर्णा व सपन, यवतमाळमधील अधरपूस, सायखेडा, गोकी, वाघाडी, बोरगाव, नवरगाव, अकोल्यातील निर्गुणा, घुंगशी बॅरेज, वाशीम जिल्ह्यातील अडाण, सोनल, एकबुर्जी, तर बुलडाण्यातील कोराडी व उतावळी यांचे दरवाजे लवकरच बंद करण्यात येणार आहेत. सध्या या सर्व धरणांतून विसर्ग सुरू आहे.
विभागातील 477 लघूप्रकल्पांत 1150 दलघमीच्या तुलनेत 75 टक्के म्हणजे 863 दलघमी जलसाठा झाला आहे. बहुतांशी लघूप्रकल्प ओव्हरफ्लो झाले आहेत. यंदा जलसाठा पुरेसा झाला असल्याने आगामी रबी हंगामात सिंचनासाठी पाच पाळ्या सोडता येणार आहेत, तर उन्हाळ्यात जाणवणारे पाणीपुरवठ्याचे दुर्भिक्ष काही प्रमाणात कमी होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
