बापरे... झोपडीचे विजेचे बिल चक्क साडेपासष्ट हजार 

The electricity bill of the hut is about six and a half thousand
The electricity bill of the hut is about six and a half thousand
Updated on: 

चिमूर (जि. चंद्रपूर) :  कोरोना महामारीने सर्वत्र आर्थिक दमछाक चालू असताना महावितरणच्या गोंधळामुळे सर्वसामान्य  मेटाकुटीस आले आहेत. चिमुर तालुक्यातील पळसगाव (पिपर्डा) येथील अठरा विश्वेदारिद्रय असलेला वनिता उत्तम शिवरकर या विधवा महिलेच्या झोपडीचे वीज बिल चक्क ६५ हजार ५२० आले आहे. या अवास्तव बिलाने वनिता यांना शॉक बसला असून आता काय करावे असा प्रश्न पडला आहे. 

चिमूर तालुक्यातील पळसगाव (पिपर्डा ) येथील  विधवा वनिता उत्तम शिवरकर या झोपडीवजा मोडक्या दोन खोल्यांच्या घरात राहतात. काबाडकष्ट करून आपल्या कुटुंबाचे कसेबसे पालन पोषण करतात. मात्र, वीज वितरण विभागाच्या गोंधळाने तिला चक्क  ६५ हजार ५२० रुपयांचे बिल आले. एवढे मोठे वीज बिल कसे भरायचे, हा  प्रश्न निर्माण झाला आहे. लॉकडाऊनमुळे काम नाही व त्यामुळे पैसा नाही. अशा परीस्थितीत आलेल्या अवाढव्य बिलाने या गरीब विधवेची चिंता वाढवली आहे. 
       
आलेले अवास्तव बिल कमी करण्याबाबत वनिताच्या मुलाने महावितरण कार्यालयाचे खेटेही घातले. वनिताचे घर अवघे दोन खोल्यांचे. त्यांच्या घरात दोन किंवा तीन लाईट आणि एक छोटा टीव्ही. अशा घरात साधारण महिन्याचे लाईट बिल साधारण ५०० ते ८00 रुपयांपर्यंत येणं अपेक्षित आहे. त्यांनी महावितरणकडे नव्या मीटरची मागणी केली आहे.  

संपादन  : अतुल मांगे

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

satish kayande, sanjay khadase, dr ashish bobade and abhang jadhav
ranveer tiger
Wife gave Rs 13 lakh contract for murder of husband's friend.
Akola's Women and Child Development Department has warned Ladki Bahin beneficiaries against fake e-KYC links and sharing personal information.