११ हजार रुपये लाच मागणे पडले महाग, कार्यकारी अभियंत्याला अटक

मोर्शी (जि. अमरावती) : स्थानिक महाराष्ट्र राज्य विद्युत वितरण कंपनीच्या मोर्शी येथे कार्यकारी अभियंता म्हणून कार्यरत असलेले धर्मेंद्र मानकर यांना लाच स्वीकारताना बुधवारी अटक करण्यात आली. 

हेही वाचा - "...तर तेव्हा मोदींच्या डोळ्यांत पाणी का आलं नाही?"

वरुड येथील शासकीय इलेक्‍ट्रिकल कंत्राटदार यांच्याकडून एनएससी इन्फ्रा स्कीमअंतर्गत बारगाव, जरुड व पेठ मंगरुळी गावामध्ये केलेल्या कामाच्या देयकावर सही करून नेहमीप्रमाणे एकूण बिलाच्या एक टक्क्याने सहा हजार रुपये व घोडदेव गावातील पोल्ट्री फार्मच्या कनेक्‍शनचे अंदाजपत्रक मंजूर करून दिल्याबद्दल पाच हजार रुपये, असे एकूण ११ हजार रुपयांच्या लाचेची मागणी मानकर यांनी केली होती.  त्यावरून संबंधित व्यक्तीने लाचलुचपत प्रतिबंधक विभागाकडे तक्रार दाखल केली. तक्रारीवरून बुधवारी (ता. १०) सापळा रचण्यात आला. यामध्ये कार्यकारी अभियंता मानकर यांनी त्यांच्या कार्यालयाच्या कॅबिनमध्ये तक्रारदार यांच्याकडून ११ हजार रुपयांची लाच स्वीकारली. यावरून कार्यकारी अभियंता मानकर यांना ताब्यात घेण्यात आले. 

हेही वाचा - डॉन अरुण गवळीला कोरोनाचा विळखा; कारागृहात पुन्हा एकदा...

ही कारवाई लाचसुचपत प्रतिबंधक विभागाचे पोलिस अधीक्षक विशाल गायकवाड, अपर पोलिस अधीक्षक अरुण सावंत, पोलिस उपअधीक्षक गजानन पडघन यांच्या नेतृत्वात पोलिस निरीक्षक राहुल तसरे, विनोद कुंजाम, युवराज राठोड, सुनील जायभाये, पंकज बोरसे, वाहनचालक सतीश किटुकले यांनी केली.