दुर्दैवी! कीटकनाशक प्राशन करून अल्पभूधारक शेतकऱ्याची आत्महत्या; लाखनी तालुक्यातील घटना 

लाखनी (जि. भंडारा) :   तालुक्‍यातील  पालांदूर (चौरस ) लगत जेवनाळा गावाजवळ असलेल्या मचारना येथील अल्पभूधारक शेतकरी सततच्या नापिकीला व कर्जाला कंटाळून स्वतःच्या शेतामध्ये अटॅक नावाचे कीटकनाशक प्राशन करून आत्महत्या  केल्याची घटना शुक्रवारी (ता. ५) ला दुपारी १२.०० वाजता उघडकीस आली.  नंलिद्र श्रावण बडोले  वय ४७ वर्ष मचारणा असे आत्महत्याग्रस्त शेतकऱ्याचे नाव आहे.

हेही वाचा - गर्भपात लपवण्यासाठी 'तिनं' स्वतःच रचलं षड्‌यंत्र; पोलिसांच्या चौकशीत समोर आला धक्कादायक...

शेतात होणारी सततची नापिकी,कोरडा दुष्काळ  व अतिवृष्टी तसेच धान पिकावरील अनेक प्रकारच्या किडींचा प्रादुर्भाव यामुळे उत्पन्नापेक्षा खर्च अधिक होत असल्यामुळे ते आर्थिक विवंचनेत होते.

बदलत्या महागाईनुसार कुटुंबाचे उदरनिर्वाह व इतर गरजा पूर्ण करण्याकरिता पैशाची  समस्या भासू लागली त्यामुळे बँकेतील तसेच सेवा सहकारी संस्था आणि शेजारील नातेवाईक व विटाभट्टी ठेकेदार यांचेकडून असे एकूण दोन लाखाचे कर्ज घेतले होते हे कर्ज कसे फेडावे याचे नेहमी विवंचनेत राहत त्यातून शेतामध्येच अटॅक नावाचे कीटकनाशक प्राशन करून आत्महत्या केली. 

हेही वाचा - काँग्रेसचा उपमुख्यमंत्री होणार का? जयंत पाटलांचं मोठं विधान; म्हणाले... 

घटनेची माहिती पालांदूर पोलिसांना देण्यात आली पोलिसांनी अकस्मात मृत्यूची नोंद करून शवविच्छेदनाचाकरिता प्रेत लाखनी ग्रामीण रुग्णालयात पाठवले होते.