काय सांगता! आग विझविण्यासाठी गेलेल्या अग्निशमनदलाच्या गाडीलाच लागली आग; बंब जळून खाक

तिवसा (जि. अमरावती) : अमरावती जिल्ह्यातील तिवसा येथील सारसी, सातरगाव रोडवरील असलेल्या वनविभागाच्या जंगलात गेल्या तीन दिवसांपासून आग लागत आहे आजही ही आग मोठ्या प्रमाणावर लागल्याने आग विझविण्यासाठी गेलेल्या तिवसा नगरपंचायतची नवीन अग्निशमन दलाची गाडीच जळून खाक झाल्याची घटना घडली आहे.

आता याला काय म्हणावं! बाल निरीक्षण गृहातून पळालेल्या अल्पवयीन मुलाचा प्रताप बघून पोलिसही चक्रावले 

यात नगरपंचायतचे तीन कर्मचारी या आगीत किरकोळ रित्या  जखमी सुद्धा झालेत,तर ही अग्निशमन दलाची गाडी विझविण्यासाठी चांदूररेल्वे येथील गाडी घटनास्थळी दाखल झाली आहे,तिवसा येथे जंगलाला आग लागण्याच्या घटना सातत्याने घडत आहे.

वनविभागानेच ही आग लावली होती ती नियंत्रना बाहेर गेल्यानंतर तिवसा अग्निशमन दलाच्या वाहनाला आग विझविण्यासाठी पाचारण करण्यात आले होते तर ही आग अनियंत्रित झाल्याने आग विझविण्यासाठी ही गाडी आली होती मात्र ही आग विझविण्यापूर्वीच तिवसा नगरपंचायतची गाडीच जळून खाक झाली.

ब्रेकिंग: समुद्रपूर तालुक्यात भीषण अपघाताच्या दोन घटना; ऐन होळीच्या दिवशी तीन जण ठार 

यावेळी चांदुर रेल्वे येथील अग्निशमन वाहनाने याठिकाणी पोचवून आगीवर नियंत्रण मिळविले व यशोमती ठाकूर मित्र मंडळाच्या कार्यकर्त्यांनी मोलाचे मदत कार्य केले.

संपादन - अथर्व महांकाळ